ഭൌതീക ജീവിത ദര്‍ശനത്തിന്റെ മുഖ മുദ്രകള്‍

                                                 -Abid Ali Padanna
മുതലാളിത്തം എന്ത് ??

മുതലാളിത്തം എന്നത് എഴുതി വെക്കപ്പെട്ട ഒരു തത്വ സംഹിതയല്ല.മുതലാളിത്വം എന്നത് മുതലാളിമാര്‍ക്ക് എതിരെ ചെയ്യുന്ന എല്ലാ പ്രവര്‍ത്തനങ്ങളും ആണെന്ന് പൊതുവില്‍ ആളുകള്‍ തെറ്റിദ്ധരിച്ചിരിക്കുന്നു.എന്നാല്‍ പണത്തെ കേന്ദ്ര ബിന്ദുവായി ജീവിതത്തെ വ്യാഖ്യാനിക്കുകയും ,പണത്തിന്നു മുകളില്‍ മനുഷ്യ ജീവിതങ്ങള്‍ക്ക് യാതൊരു വിലയും കല്പിക്കില്ല എന്നതും മുതലാളിത്തത്തിന്റെ ഒരു വീക്ഷണമാകുന്നു.

ജന്മനാ ഓരോ മനുഷ്യനും ഭൂമിയില്‍  പിറന്നു വീഴുന്നത് സ്വാര്‍ത്ഥത എന്ന ഒരു ജന്മ വാസനയുമായാണ്. അപ്പോള്‍ ഓരോ മനുഷ്യനിലും ഈ സ്വാര്‍ത്ഥ നിങ്ങള്ക്ക് കാണാം.ഇനി ഈ സ്വാര്‍ത്ഥത യുള്ള ഓരോ ആളുകളും കൂടിയ ഒരു സമൂഹം എങ്ങിനെ ആയിരിക്കും? ഇങ്ങനെ സ്വാര്‍ത്ഥതയെ ജീവിത വീക്ഷണം ആക്കിയ സമൂഹത്തെ തന്നെയാണ് നാം മുതലാളിത്ത സമൂഹം(Capitalist Society)  എന്ന് പറയുന്നത്. 

എങ്ങിനെ തിരിച്ചറിയാം ?
ഒരു സമൂഹം മുതലാളിത്ത സമൂഹമാണെന്നു നമുക്ക് എങ്ങിനെ തിരിച്ചറിയാം ?
നിങ്ങള്‍ക്ക്  ലക്ഷണങ്ങള്‍ കൊണ്ട് അത് മനസ്സിലാക്കാം.

ചില പൊതു ലക്ഷണങ്ങള്‍ 
1.മനുഷ്യനിലെ എല്ലാ അധമ വികാരങ്ങളെയും ചൂഷണം ചെയ്തു വിറ്റ്  കശാക്കുക.
2.പണത്തിനെ ദൈവമായി കണക്കാക്കുക .
3.പലിശ കേന്ദ്രീകൃത സാമ്പത്തിക വീക്ഷണം.
4.ദരിദ്രരെ കൂടുതല്‍ ദാരിദ്രരാക്കുന്നു .
5.തൊഴിലാളികള്‍ വെറും അടിമകള്‍ മാത്രം.
6.തൊഴില്‍ ശാലകള്‍ അറവു ശാലകള്‍ ആയി മാറുന്നു .
7.മനുഷ്യ ജീവന്നും,അവന്റെ വേദനയെക്കാളും പ്രാധാന്യം ഫാക്ടറി ഉല്പന്നങ്ങള്‍ക്ക് നല്‍കുന്നു.
ചാര്‍ളി ചാപ്ളിന്‍റെ  Modern Times(1936) എന്ന ചിത്രത്തിലെ ഈ സീനില്‍ ഇത് രണ്ടും അതിമനോഹരമായി ചിത്രീകരിച്ചിരിക്കുന്നു .

                                                      Factory scene From Modern Times
8.സ്ത്രീകളെ വില്പനച്ചരക്കാകുന്നു.   
9.ആയുധ കച്ചവടതിന്നു വേണ്ടി യുദ്ധങ്ങള്‍ സൃഷ്ടിക്കുന്നു .
10.ആതുര മേഖല ചൂഷണ ഉപാധിയാക്കുന്നു.
11.ഭക്ഷണ സാധനങ്ങളില്‍ മായം സര്‍വ്വത്ര മായം.
12.വിദ്യാഭ്യാസവും നല്ല വരുമാനമുള്ള കച്ചവട മാര്‍ഗ്ഗം ....
13.അഴിമതിയിലും കൈക്കൂലിയിലും മുങ്ങിയ ഭരണ കൂടങ്ങളും ഉദ്യോഗസ്ഥ വര്‍ഗ്ഗവും.
14.മതങ്ങള്‍ പോലും  നല്ല മാര്‍ക്കറ്റുള്ള കചവട മാര്‍ഗ്ഗമാക്കുന്നു..... 

15.മണ്ണും ,പുഴയും കടലും ,മലയും എല്ലാം നശിച്ചാലും കുഴപ്പമില്ല ....ലാഭം ലഭിക്കണം.
16.ആഡംഭാരങ്ങള്‍ക്കും മണി മാളികകള്‍ക്കും വേണ്ടി ലക്ഷങ്ങള്‍ ചിലവഴിക്കും.പാവപ്പെട്ടവര്‍ക്ക് ഒരു ചില്ലിക്കാശു പോലും നല്‍കാന്‍ തയ്യാറല്ല.

ജീവിത ദര്‍ശനം
മനുഷ്യന്റെ അടിസ്ഥാന ആവശ്യങ്ങളായ വസ്ത്രം ഭക്ഷണം പാര്‍പ്പിടം തുടങ്ങിവക്ക് വേണ്ടി പരിശ്രമിക്കുന്നതിന്നു പകരം താഴെ പറയുന്ന കാര്യങ്ങള്‍ക്ക് അമിത പ്രാധാന്യം കല്പിക്കുന്നു. 
1 .കളി(sports /Game/amusement/Play )    

 ആവശ്യത്തിന്നു കളിയാവാം ,എന്നാല്‍ കളി തന്നെ കാര്യമായാലോ ??
മത്സരം ,ശാരീരിക പുഷ്ടി  എന്നതിന്നപ്പുറത്തു മില്ല്യനുകളും ബില്ല്യനുകളും ഒഴുകുന്ന അല്ലെങ്കില്‍ ലഭിക്കുന്ന ഒരു വലിയ വ്യവസായ ശാല ആക്കി മാറ്റിയത് ആര് ???
2 .വിനോദങ്ങള്‍ (Entertainment,Fun,Music,Club,Dance)

 വിനോദങ്ങള്‍ ഒരു പരിധി വരെ ആകാം .എന്നാല്‍ അവ പരിധി വിട്ടാലോ ?
3 .അലങ്കാരങ്ങള്‍/ആഡംഭരം(സൌന്ദര്യ വസ്തുക്കള്‍)

 ആഡംഭര വസ്തുക്കളുടെയും  അലങ്കാരങ്ങളുടെയും ലോകം ,നമ്മുടെ വിവാഹങ്ങള്‍ മുതല്‍ അന്താരാഷ്ട്രാ മേളകള്‍ വരെ കാണുക.
4 .പൊങ്ങച്ചം(تَفَاخُرٌ )(Boasting,Show)
 വീട് മുതല്‍ പാര്‍ലമെന്റ് വരെ ,വ്യക്തി മുതല്‍ രാജ്യങ്ങള്‍ വരെ പൊങ്ങച്ചത്തിന്റെ സ്തൂപ രൂപങ്ങള്‍ കൊണ്ട് നിറയുന്നു....  

5 .പെരുമ നടിക്കല്‍/മാത്സര്യം (multiplying,competition in  wealth)

പണം സമ്പാദിക്കാന്‍ ഏതു ദുഷിച്ച മാര്‍ഗ്ഗവും സ്വീകരിക്കുന്നു ,സമ്പത്തിന്റെ പേരില്‍ ഉള്ള പരസ്പര  മത്സരങ്ങള്‍ .....വഞ്ചന .....അവസാനം കൊലപാതകങ്ങള്‍ വരെ....

ഈ ശീലങ്ങള്‍ക്കു നിങ്ങള്‍ ജീവിതത്തില്‍ പ്രാധാന്യം നല്കുന്നവരാണോ എങ്കില്‍ നിങ്ങള്‍ മുതലാളിത്ത ശീലങ്ങള്‍ക്കു അടിമപ്പെട്ടവരാണ് .നിങ്ങള്‍ ഹിന്ദുവോ മുസ്ലിമോ ക്രിസ്ത്യാനിയോ ആയിക്കൊള്ളട്ടെ,നിങ്ങള്‍ യുക്തിവാദിയോ നിരീശ്വരവാദിയോ, ആരും ആയിക്കൊള്ളട്ടെ, നിങ്ങള്‍ ഏതു രാജ്യക്കാരനാവട്ടെ, ഏതു കാലഘട്ടത്തില്‍ ജീവിക്കുന്നവനാകട്ടെ ,ഏതു സമുദായത്തിലൊ, ജാതിയിലോ ജനിച്ചവനാകട്ടെ .ഇത് തിരിച്ചറിഞ്ഞില്ലെങ്കില്‍ നിങ്ങളും ഇതില്‍ വീണു പോയേക്കാം.   

ജാഗ്രതൈ!!!!!

"അറിയുക: ഈ ലോകജീവിതം വെറും കളിയും ,തമാശയും, അലങ്കാരങ്ങളും,  പരസ്പരമുള്ള പൊങ്ങച്ച പ്രകടനവും സമ്പത്തിലും സന്താനങ്ങളിലുമുള്ള പെരുമ നടിക്കലും മാത്രമാണ്. അതൊരു മഴപോലെയാണ്. അതുവഴിയുണ്ടാവുന്ന ചെടികള്‍ കര്‍ഷകരെ സന്തോഷഭരിതരാക്കുന്നു. പിന്നെ അതുണങ്ങുന്നു. അങ്ങനെയത് മഞ്ഞച്ചതായി നിനക്കു കാണാം. വൈകാതെ അത് തുരുമ്പായിത്തീരുന്നു. എന്നാല്‍, പരലോകത്തോ; കഠിനമായ ശിക്ഷയുണ്ട്. ദൈവത്തില്‍ നിന്നുള്ള പാപമോചനവും പ്രീതിയുമുണ്ട്. ഐഹികജീവിതം വഞ്ചനയുടെ ഉപകരണം അല്ലാതെ മറ്റൊന്നുമല്ല."(ഖുര്‍ആന്‍,അദ്ധ്യായം 57, അല്‍ഹദീദ്(ഇരുമ്പ്): 20)

 ഇതേ വിഷയം മറ്റൊരു ലേഖനത്തില്‍ ഇവിടെ വായിക്കാം 

മുട്ടുകുത്തി ഊഞ്ഞാല്‍ ആടുന്നവര്‍ !!

നട്ടുച്ചയായാല്‍ നമ്മുടെ പ്രധാന ടിവി  ചാനലുകള്‍ നമ്മോടു പറയുന്നതാണ് ഈ വാക്യങ്ങള്‍ 

'മുട്ടുകുത്തി ഊഞ്ഞാലാടാന്‍ എന്ത് രസം?" 

"വെറും '9999' രൂപ മാത്രം "

"ഇപ്പോള്‍ തന്നെ ഓര്‍ഡര്‍ ചെയ്യൂ "

ഇവര്‍ നമ്മെ ആട്ടാന്‍ തന്നെയാണ് പരിപാടി.അതിന്നു ചൂട്ടു പിടിക്കാന്‍ കേറെ ചാനലുകാരും 

അവരെ പറഞ്ഞിട്ട് കാര്യമില്ല...പണം ...അതല്ലേ എല്ലാം .....

അപ്പോള്‍ മറ്റൊരു ചാനലില്‍ മാന്ത്രിക കല്ലുകളും, മോതിരങ്ങളും, ഏലസ്സുകളും ,രക്ഷാ നൂലുകളും 

മിന്നി മറിയുന്നുണ്ടാകും......
അത്കൊണ്ട് അവര്‍ "രക്ഷ"പ്പെടും എന്നുണ്ടെങ്കില്‍ ഈ ചാനലുകളില്‍ പ്രത്യക്ഷപ്പെട്ടു സമയം കളയേണ്ട ആവശ്യം അവര്‍ക്കുണ്ടോ?  ജനങ്ങളുടെ കാശ് ഇല്ലെങ്കില്‍ "രക്ഷ" വില്‍ക്കുന്നവര്‍ക്ക് തന്നെ രക്ഷയില്ല എന്നര്‍ത്ഥം. 

ഈ വൈരുദ്ധ്യം എന്ത് കൊണ്ട് ?

അന്ധവിശ്വാസങ്ങള്‍ കൊണ്ടുള്ള തട്ടിപ്പുകളും ചൂഷണങ്ങളും നാള്‍ക്കുനാള്‍ വര്‍ധിച്ചു വരുന്നു. 

അതിന്റെ ഇരകളെ കുറിച്ചു നമ്മുടെ ടിവി അവതാരകരും, പത്ര ലേഖകരും വാതോരാതെ സംസാരിക്കുന്നു.  

എന്നിട്ടും അവരുടെ അതെ ടിവി ചാനലിലും പത്രങ്ങളിലും എന്ത് കൊണ്ട് ഇതിനോയൊക്കെ പ്രോത്സാഹിപ്പിക്കുന്ന പരസ്യങ്ങള്‍ വരുന്നു.? ഇതു വൈരുദ്ധ്യം അല്ലേ ?

ഒന്നുകില്‍ നിങ്ങള്‍ അന്ധവിശ്വാസം പ്രചരിപ്പിച്ചു കാശുണ്ടാക്കുക.അത് നിങ്ങളെയും കൊണ്ട് പോകുന്നത് വരേയ്ക്കും. അല്ലെങ്കില്‍ ഇതു നിങ്ങള്‍ നിര്‍ത്തുക.മനുഷ്യരാശി രക്ഷപ്പെടുന്നത് വരെക്കും.  

തടി കുറയ്ക്കാന്‍ എന്ന പേരിലും, ശരീര സൌന്ദര്യം നിലനിര്‍ത്താന്‍ എന്ന പേരിലും പലതട്ടിപ്പ്  മരുന്നുകളും കമ്പോളത്തില്‍ സുലഭം,അത് കൂടാതെ ചാനല്‍കാരുടെ വക നമ്മുടെ വീട്ടിനുള്ളിലും...  

സുഹ്രത്തുക്കളെ ഞാന്‍ ചോദിക്കട്ടെ ,

ഈ തടി കൂട്ടുന്ന വസ്തുക്കളുടെ പരസ്യം നമ്മുടെ മുന്നില്‍ നിരന്തരം വിളമ്പുന്നത് ആര് ?

ഇവര്‍തന്നെ .

ചോക്കളേറ്റ് ,ഐസ്കീം,ചിപ്സുകള്‍,പിസ്സ,ബര്‍ഗര്‍,കോളകള്‍,....തുടങ്ങി സകലമാന ഹൈ ഫാറ്റ് വസ്തുക്കള്‍ രാവും പകലും നമ്മുടെ കണ്മുന്നില്‍ മിന്നി മറിച്ച് നമ്മുടെ  തലമണ്ടയില്‍ കുത്തിക്കയറ്റുന്നത്  ആര് ?

ഇവര്‍തന്നെ.       

എന്നിട്ട് ഇവര്‍ തന്നെ പറയുന്നു, നിങ്ങള്‍ തടി കുറയ്ക്കുന്ന ഈ ഉപകരണം വാങ്ങൂ ആ ഉപകരണം വാങ്ങൂ എന്നൊക്കെ.

ഇവര്‍ ആരെയാണ് വിഡ്ഢികള്‍ ആക്കുന്നത്?

മുതലാളിത്ത ജീര്‍ണ്ണത

മുതലാളിത്തം  എന്നാല്‍ പണക്കാരന്‍ എന്നല്ല അര്‍ഥം.

അത്  ഒരു ആശയമാണ്.അതൊരു തത്വമാണ്.

എല്ലാത്തിനെയും  ലാഭം ആക്കി മാറ്റുക എന്ന മനുഷ്യന്റെ സ്വാര്‍ത്ഥതയാണത്.

ഇവിടെ ലാഭം തരുന്നത് അന്ധവിശ്വാസം ആയാലും അവര്‍ക്ക് പ്രശനമല്ല.

എന്നും  മതത്തെ പുരോഹിതന്മാരുടെ ആലയില്‍ കെട്ടി ലാഭാമുണ്ടാകുക എന്നത് അതിന്റെ തന്ത്രമാണ്. 

മതത്തിലൂടെയും അന്ധവിശ്വാസതിലൂടെയും ആരെങ്കിലും  ലാഭം ഉണ്ടാക്കിയാല്‍  അതും  മുതലാളിത്തം തന്നെ.അവര്‍ മത വിശ്വാസിയോ ദൈവ വിശ്വാസിയോ ആയാലും ശരി.അവര്‍ തന്നെയാണ് ദൈവധിക്കാരികള്‍ ,അവര്‍ തന്നെയാണ് മത നിഷേധികള്‍.

ഭക്ഷണ വസ്തുക്കളെ മായങ്ങളും വിഷാംശങ്ങളും കലര്‍ത്തി അനിയത്രിതമായ വണ്ണം കൂട്ടുക....പല തരത്തിലുള്ള രോഗങ്ങള്‍ക്ക് അടിമപ്പെടുത്തുക......

ഇവിടെ ഒരു വെടിക്ക് മൂന്നു പക്ഷിയാണ് 

ഒന്ന് ഭക്ഷണത്തിലൂടെ  ലാഭം,

രണ്ട് പൊണ്ണത്തടി  കുറക്കാന്‍ നമ്മുടെ 9999 രൂപയുടെ യന്ത്രങ്ങള്‍ വില്‍ക്കാം    

മൂന്നു രോഗങ്ങള്‍ പിടി പറ്റിയാല്‍ മരുന്ന് കമ്പനി കള്‍ക്കും ലാഭം 

എങ്ങിനെയുണ്ട് ?

ഇതാണ് നമ്മുടെ  മുതലാളിത്തം മനസ്സിലായോ ?

അതെ ഇവര്‍ തന്നെയാണ് ദൈവ ധിക്കാരികള്‍,ഇവര്‍ തന്നെയാണ് സത്യനിഷേധികള്‍....  

"തീര്‍ച്ചയായും മത പണ്ഡിതന്മാരിലും പുരോഹിതന്മാരിലും അധികം പേരും ജനങ്ങളുടെ ധനം അന്യായമായി തിന്നുകയും ദൈവ മാര്‍ഗ്ഗത്തില്‍ വിലങ്ങു തടിയാവുകയും ചെയ്യുന്നു .സ്വര്‍ണ്ണവും വെള്ളിയും ശേഖരിച്ചു വെക്കുകയും അത് ദൈവമാര്‍ഗ്ഗത്തില്‍ ചെലവഴിക്കാതിരിക്കുകയും ചെയ്യുന്നവരെ  നോവേറിയ  ശിക്ഷയെ സംബന്ധിച്ച് 'സുവാര്‍ത്ത' അറിയിക്കുക." (ഖുര്‍ആന്‍ അദ്ധ്യായം 9 , അത്തൌബ : 34 )

എന്താണ് മുതലാളിത്തം?

                                                          -ആബിദ് അലി ടി എം പടന്ന 

          സ്വാര്‍ഥതയുടെ സാമൂഹിക രൂപമാണ് മുതലാളിത്തം(Capitalism).ഇതു എവിടെയും എഴുതിവെക്കപ്പെട്ട ഒരു തത്വ സംഹിതയല്ല.അതിന്റെ സാമ്പത്തിക  സിദ്ധാന്തങ്ങള്‍ ആഡം സ്മിത്തിനെ പോലെയുള്ളവര്‍ എഴതിവെക്കാന്‍ ശ്രമിച്ചിട്ടുണ്ട്. എന്താണ് മുതലാളിത്തം എന്ന് കൃത്യമായി നിര്‍വ്വചിക്കുക പ്രയാസമാണ്.ഇതില്‍  ഏതൊരു മനുഷ്യനും എപ്പോള്‍ വേണമെങ്കിലും വീണുപോകാം,നിങ്ങള്‍ കേവല ഏക ദൈവവിശ്വാസിയൊ, ബഹുദൈവ വിശ്വാസിയോ, നിരീശ്വരവാദിയോ  ആരും ആകട്ടെ. മുതലാളിത്തം എന്താണെന്നു തിരിച്ചറിഞ്ഞില്ലെങ്കില്‍ നിങ്ങളും അതിന്റെ വലയില്‍ പെട്ട് പോയേക്കാം.പക്ഷെ അതെങ്ങിനെ നാം അറിയും ?ആര് നമുക്ക് പറഞ്ഞു തരും ?

    ഉത്തരം വളരെ ലളിതം. ആരാണോ മനുഷ്യനെ സൃഷ്ടിച്ചത് ,അവന്നു മാത്രമേ അത് വിശദീകരിക്കാന്‍ പറ്റൂ.ഇവിടെ ഖുര്‍ആന്‍ നിങ്ങള്‍ക്ക് വെളിച്ചം നല്‍കുന്നു.ഖുര്‍ആന്‍ അല്ലാതെ ലോകത്ത് മറ്റൊരു ഗ്രന്ഥവും ഇത്ര വിശദമായി ഇതു പ്രതിപാദിക്കുന്നില്ല എന്നതത്രേ സത്യം. 

         ചില ലക്ഷണങ്ങള്‍ താഴെ പറയുന്നു.ഇതു നിങ്ങള്‍ ആരില്‍ കാണുന്നുവോ അവര്‍ മുതലാളിത്ത ശീലമുള്ളവരാണ്. ഇനി ഈ ലക്ഷണം ഒരു സമൂഹത്തിലാണെങ്കില്‍ അവരെ നാം മുതലാളിത്ത സമൂഹം എന്ന് പറയും

ദേഹേച്ചയെ പിന്‍പറ്റുന്നു

1 .തന്റെ ചീത്ത പ്രവര്‍ത്തികളെ നല്ലതായി കരുതുകയും തന്റെ തന്നിഷ്ടങ്ങളെ പിന്‍ പറ്റുകയും ചെയ്തവന്‍ (മുഹമ്മദ്‌ :14 )

2 .തന്റെ ദേഹേച്ചയെ ദൈവമാക്കിയവനെ നീ കണ്ടുവോ? (അല്‍ ഫുര്‍ഖാന്‍ :43 )  

നേതാക്കന്മാരെ അന്ധമായി പിന്‍പറ്റുന്നു 

1 .ഭൂമിയിലുള്ള അധികം പേരെയും നീ അനുസരിക്കുകയാണെങ്കില്‍ ദൈവ മാര്‍ഗ്ഗത്തില്‍ നിന്നും അവര്‍ നിന്നെ തെറ്റിച്ചു കളയും(അല്‍ അന്‍ആം :116 )

2 .എന്നിട്ടും അവര്‍ ഫറോവന്റെ ആജ്ഞകള്‍ പിന്‍പറ്റി.ഫറോവന്റെ കല്പനകളോ ഒട്ടും വിവേകം ഉള്ളതായിരുന്നില്ല( ഹൂദ്‌ :97 )      

ശാശ്വത സുഖം ആഗ്രഹിക്കുന്നു

1 .സുഖ സൌകര്യങ്ങളുടെ പിറകെ പോകുന്നു (ഹൂദ്‌ :116 )

2 .അനാവശ്യ കാര്യങ്ങളില്‍ കളിച്ചു രസിക്കുന്നവരാണവര്‍ (അത്തൂര്‍ : 12 )

3 .ചിരിക്കുന്നു,കരയാതിരിക്കുന്നു (അന്നജ് മ് :60 )

4 .അശ്രദ്ധമായ ജീവിതം നയിക്കുന്നു (അന്നജ് മ് :61 )

5 .താല്‍ക്കാലിക നേട്ടം ആഗ്രഹിക്കുന്നു (അല്‍ ഖിയാമ : 20 )

   

പണം തന്നെ ദൈവം 

1 . ധനം ഒന്നിച്ചു കൂട്ടുകയും അത് എണ്ണിക്കണക്കാക്കി വെക്കുകയും ചെയ്യുന്നു. 

     ധനം , തന്നെ അനശ്വരനാക്കുമെന്നു അവന്‍ കരുതുന്നു (അല്‍ ഹുതമ : 2 ,3 )  

2 . ധനം ശേഖരിച്ചു സൂക്ഷിച്ചുവെക്കുന്നു(അല്‍ മആരിജ് :18 )

3 . നേട്ടം കിട്ടിയാല്‍ കെട്ടി പ്പൂട്ടിവെക്കും (അല്‍ മആരിജ് :21   )

4 .അനാഥയെ പരിഗണിക്കില്ല, അഗതിക്ക്‌ ഭക്ഷണം നല്‍കില്ല, അനന്തര സ്വത്തു ദൂര്ത്തടിച്ചു         തിന്നുന്നു ,ധനത്തെ അതിരറ്റു സ്നേഹിക്കുന്നു (അല്‍ ഫജ് ര്‍ :17 -20 )

5 . ചെറിയ ഉപകാരങ്ങള്‍ തടയും (അല്‍ മാഊന് : 7 )

6 .പണത്തിനെ  ഭരണാധികാരത്തിന്റെ യോഗ്യതയായി മനസ്സിലാക്കുന്നു. (അല്‍ ബഖറ :247 )

7 . പലിശയെ, കച്ചവടം പോലെ കണക്കാക്കുന്നു (അല്‍ ബഖറ :275 ) 

8 . സ്വര്‍ണ്ണവും വെള്ളിയും നിധിയായ്‌ ശേഖരിക്കുന്നു (അത്തൌബ :34 ) 

9 .ശുഐബ് പറഞ്ഞു : നിങ്ങള്‍ അളവ് തൂക്കത്തില്‍ ക്രത്യത പാലിക്കുക,ജനങ്ങള്‍ക്ക്‌ അവരുടെ  സാധനങ്ങളില്‍ കുറവ് വരുത്തരുത്.(അഅ`റാഫ് :85 )

10.സ്വാലിഹ് പറഞ്ഞു: നിങ്ങള്‍ ഭൂമിയിലെ സമതലങ്ങളില്‍ കൊട്ടാര സൌധങ്ങള്‍ പണിയുന്നു.മലകള്‍ തുരന്നു പടുകൂറ്റന്‍ വീടുകള്‍ ഉണ്ടാക്കുന്നു. (അഅ`റാഫ് :74 )   

ഭൂമിയില്‍ കലാപം 

1 .അവരുടെ തന്നിഷടങ്ങളെ പിന്‍പറ്റിയാല്‍ ഭൂമിയില്‍ കലാപം (അല്‍ മുഅ`മിനൂന്‍ 71 )

2 .ഇനി അവര്‍ക്ക് അധികാരം ലഭിച്ചാല്‍ ഭൂമിയില്‍ അവര്‍ കലാപങ്ങള്‍ ഉണ്ടാക്കാനും,കൃഷിനാശം വരുത്താനും,മനുഷ്യ കുലത്തെ നശിപ്പിക്കാനും പരിശ്രമിക്കുന്നു.(അല്‍ ബഖറ:205 )

3 .ശുഐബ് പറഞ്ഞു :ഭൂമിയില്‍ അതിന്റെ സമുദ്ധാരണത്തിനു ശേഷം നിങ്ങള്‍ കുഴപ്പമുണ്ടാക്കരുത്‌(അഅ`റാഫ് :85 )      

4 .ഫറോവ തന്റെ ജനതയെ വിവിധ വിഭാഗങ്ങളായി  ഭിന്നിപ്പിച്ചു(അല്‍ ഖസസ് :4 ) 

ഓര്‍ക്കുക :- 

ഇതു ലോകര്‍ക്കാകമാനമുള്ള ഒരു ഉല്‍ബോധനമാണ് .ഒരു നിശ്ചിത കാലത്തിനു ശേഷം ഈ വൃത്താന്തത്തിന്റെ നിജസ്ഥിതി നിങ്ങള്‍ അറിയുക തന്നെ ചെയ്യും (സ്വാദ് : 87 ) 

ഖുര്‍ആനിന്റെ രണ്ട് ദാര്‍ശനിക വിമര്‍ശനം

                                                                             -ആബിദലി  ടി .എം പടന്ന   

                മനുഷ്യന്‍ രണ്ട്  കാര്യങ്ങളും   കൊണ്ടാണ് ഭൂമിയില്‍ ജനിച്ചു വീഴുന്നത്. ഒന്ന് അജ്ഞത  മറ്റേതു  സ്വാര്‍ഥത. അജ്ഞത ബഹുദൈവത്വമായും സ്വാര്‍ഥത  മുതലാളിത്തമായും പ്രകടമാകുന്നു.

    

ബഹുദൈവത്വം(Polytheism)(ശിര്‍ക്ക്) :- 

                അജ്ഞത ജന്മസിദ്ധമാണ് എന്നതിന്റെ ഏറ്റവും വലിയ തെളിവാണ് നമ്മുടെ ആയുസ്സിന്റെ  മൂന്നില്‍   ഒരു ഭാഗം വിദ്യഭ്യാസത്തിന്നായ് നാം  ചെലവഴിക്കുന്നത്. അറിവില്ലായ്മയുമായാണ് എല്ലാ ഓരോരുത്തരും ജനിക്കുന്നത്.അറിവുകള നാം തേടി പോകേണ്ടതുണ്ട്. അറിവുകൾ ആർജ്ജിക്കാത്ത മനുഷ്യർ കൂടി ചേർന്ന് കുടുംബങ്ങളും ,ആ കുടുംബങ്ങൾ ചേർന്ന് സമൂഹവും ആയിമാറുന്നു .  ഇങ്ങനെ അറിവില്ലായ്മയുള്ള ജനങ്ങളുടെ കൂട്ടം  ബഹുദൈവത്വ പരമായ ആശയങ്ങളും ,ചിഹ്നങ്ങളും പ്രതിനിധാനം ചെയ്യുന്നു . അവരെ നമുക്ക് ബഹുദൈവത്വ സമൂഹം എന്ന് വിളിക്കാം 

           മനുഷ്യന്നു അറിവ് ലഭിക്കുന്നതിനു അനുസരിച്ച് ബഹുദൈവ വിശ്വാസ പരമായ കാര്യങ്ങള്‍ അവനില്‍ നിന്ന് ഇല്ലാതാകും. അതിന്നു ഏക ദൈവവിശ്വാസം,പ്രവാചകന്മാര്‍,വേദങ്ങള്‍ തുടങ്ങിയ വഴിയാണ് ദൈവം നിശ്ചയിച്ചത്. 

          പക്ഷെ അറിവ് നേടിയെടുക്കുന്നതില്‍ നിന്നും അവനെ തടയുന്നത് മുന്‍ധാരണ,പാരമ്പര്യ വാദം, അഹങ്കാരം ,സ്വാര്‍ത്ഥ താത്പര്യങ്ങള്‍  തുടങ്ങിയവയാണ്.  

      ബഹുദൈവത്വം വെറും വിശ്വാസപരമായ കാര്യം മാത്രമല്ല.അത് സമൂഹത്തില്‍ പല തരത്തിലുള്ള ദൂശ്യങ്ങളും വരുത്തിവെക്കുന്നു.

1 . തിന്മകളെ വിലക്കുന്നില്ല - മദ്യം,ചൂതാട്ടം,പരസ്തീഭോഗം,സവര്‍ഗ്ഗരതി,പലിശ തുടങ്ങിയവയ്ക്കെതിരെ ഒന്നും പറയുന്നില്ല.      

2 . സാമ്പത്തിക ചൂഷണം - പുരോഹിതന്മാര്‍  ഇടനിലക്കാര്‍  (മധ്യസ്ഥര്‍ ) തുടങ്ങിയവര്‍ പൂജ ,ദര്‍ശനം, നേര്‍ച്ച,കാണിക്ക മുതലായവയുടെ  പേരില്‍ ജനങ്ങളുടെ സമ്പത്ത് അടിച്ചു മാറ്റുന്നു .     

3 . മാന നഷ്ടം,സമയ നഷ്ടം - അന്ധവിശ്വാസം,ജോത്സ്യന്‍ ,കണിയാന്‍,ഭാവി പ്രവചകര്‍ ,ലക്ഷണം നോക്കല്‍ ,ശകുനം നോക്കല്‍ തുടങ്ങിയവ കൊണ്ട് നമ്മുടെ വിലപ്പെട്ട സമയം നഷ്ടപ്പെടുത്തുന്നു. 

4  . നിയമ വ്യവസ്ഥ ഉണ്ടാവില്ല - സമൂഹത്തിനു ആവശ്യമായ നിയമം നിര്‍മ്മിച്ച്‌ തരില്ല. 

5 . യഥാര്‍ത്ഥ നാഗരിക വികാസം ഉണ്ടാകില്ല.     

6 . അനാവശ്യ ഭയം ഉണ്ടാക്കുന്നു - ഭൂത-പ്രേത-യക്ഷി വിശ്വാസങ്ങള്‍ മൂലം എന്നും അസ്വസ്ഥത

7 . സാമൂഹിക അസമത്വം - ജനങ്ങളെ തട്ടുകളായി തരം തിരിക്കുന്നു.        

            ബഹുദൈവത്വം എന്ന  ആശയത്തെ മാത്രമല്ല ഖുര്‍ആന്‍ വിമർശിക്കുന്നത് ,അതിന്റെ അധികാര കേന്ദ്രം ,വിശ്വാസങ്ങള്‍ ,ആചാരങ്ങള്‍ , പ്രതീകങ്ങള്‍  ഇവയെ എല്ലാം  ഖുര്‍ആന്‍ നിരൂപണം  ചെയ്യുന്നു.

മുതലാളിത്തം(Capitalism) :- 

             എല്ലാവരും ജനിക്കുന്നത് തന്നെ സ്വാര്‍ഥത  എന്ന വികാരത്തോടെയാണ്.അപ്പോള്‍ ഓരോ ആളുകളും സ്വാര്‍ഥതയുള്ളവരാണ്.  അങ്ങിനെയുള്ള ആളുകളുടെ കൂട്ടം സ്വാര്‍ഥരായ(ആര്‍ത്തിയുള്ള) സമൂഹമാകുന്നു. ഇങ്ങനെ  സ്വാര്‍ത്ഥതയെ ജീവിത ദര്‍ശനമായി കാണുന്ന സമൂഹത്തെ നമുക്ക് മുതലാളിത്ത സമൂഹം എന്ന് പറയാം.

   കളി,തമാശ ,പരസ്പരം പെരുമനടിക്കല്‍,  ആഡംഭരം തുടങ്ങിയവ യെ ജീവിത മുഖമുദ്രയായി കണക്കാക്കുന്നു.പണത്തിനെ അധികാരത്തിന്റെ യോഗ്യതയായി കണക്കാക്കുകയും ദൈവത്തിന്റെ സ്ഥാനവും കൊടുക്കുന്നു.

        മുതലാളിത്തത്തിന്റെ  എല്ലാ മുദ്രകളും ഖുര്‍ആന്‍ എടുത്തു കാണിക്കുന്നു. ശക്തമായ പരലോക ബോധത്തിന്റെ അടിസ്ഥാനത്തിലുള്ള ലളിത ജീവിതമാണ് ഖുര്‍ആന്‍ മുതലാളിത്ത ശീലങ്ങളുടെ പകരമായി നിര്‍ദ്ദേശിക്കുന്നത്.   

      

        "നമസ്ക്കാരം നിര്‍വ്വഹിക്കുന്നവരും,നാം നല്‍കിയതില്‍ നിന്നും ചിലവഴിക്കുന്നവരും" (അല്‍ ബഖറ : 3 ) 

       "ആവുന്നത്ര നിങ്ങള്‍ ദൈവത്തെ സൂക്ഷിച്ചു ജീവിക്കുക .....ധനം ചെലവഴിക്കുക"( അത്തഗാബുന്‍ :16 )
 "മതത്തെ നിഷേധിക്കുന്നവനെ നീ കണ്ടുവോ? അത് അനാഥയെ ആട്ടിയകറ്റുന്നവനാണ്.അഗതിയുടെ അന്നം കൊടുക്കാന്‍ പ്രേരിപ്പിക്കാത്തവനും" (അല്‍ മാഊന്‍ 1 - 3 )    

ഈ രണ്ടു ദർശനങ്ങളിൽ നിന്ന് മനുഷ്യനെ വിമോചിപ്പിക്കുക എന്നതാണ് ഖുറാൻ മുന്നോട്ട് വെക്കുന്ന ദാർശനികത.