ജനിതക ശാസ്ത്രത്തിന്റെ അതി'ജീവന'വും ഖുർആനിലെ ജീവനും

                                                                    -Abid ali TM Padanna

                സ്വയം ചലിക്കുന്ന വസ്തുക്കളെ നാം പൊതുവെ ജീവനുള്ളവ എന്ന് വിലയിരുത്തുന്നു . കല്ല്‌ മണ്ണ്,ഇരുമ്പ് ,ചെമ്പ്  ... ..തുടങ്ങിയവക്ക്  ജീവനില്ല എന്ന് നാം മനസ്സിലാക്കുന്നു കാരണം അവയ്ക്ക് സ്വയം ചലിക്കാനുള്ള കഴിവില്ല .അതിനാൽ  മൃഗങ്ങൾ,  മത്സ്യങ്ങൾ, പറവകൾ ,മറ്റു ജന്തു ജാലങ്ങൾ, സസ്യങ്ങൾ  തുടങ്ങിയവയ്ക്ക് ജീവനുണ്ട് എന്ന് നാം പറയുന്നു. മരണത്തോടെ  അവയുടെ  ചലന ശേഷി നഷ്ടമാകുന്നു .മനുഷ്യന്റെ കാര്യവും തഥൈവ .അത് പോലെ വളര്‍ച്ച ,ശ്വസനം ,പ്രതികരണം ,ഊര്‍ജ്ജം നിലനിർത്തുക തുടങ്ങിയവയും ജീവന്റെ ലക്ഷണങ്ങള്‍ ആയി നാം  കണക്കാക്കുന്നു .അപ്പോൾ എന്താണ് ഈ ജീവൻ ? എപ്പോഴാണ് ഈ ജീവൻ നമുക്ക് ലഭിക്കുന്നത് ?

ഒന്ന് പരിശോധിക്കാം....

സ്വഭാവ കൈമാറ്റം തലമുറകളിലൂടെ 

              തലമുറകളിലൂടെ പിതാവിൽ നിന്നും മാതാവിൽ നിന്നും മക്കളിലേക്ക് സ്വഭാവങ്ങൾ , വർണ്ണം, ശരീര സാദ്രിശ്യം തുടങ്ങിയവ കൈമാറ്റം ചെയ്യുന്നത് എങ്ങിനെ എന്ന് ചില ശാസ്ത്രജ്ഞൻമാർ തെളിയിച്ചിട്ടുണ്ട് .മനുഷ്യ  ശരീരം സൂക്ഷ്മമായ  കോശങ്ങളാ (Cell)ൽ സൃഷ്ടിക്കപ്പെട്ടിരിക്കുന്നു. ഒരു കോശത്തിന്റെ കേന്ദ്ര ഭാഗത്തെ  ന്യൂക്ളിയസ്സി(Nucleus)എന്ന് പറയുന്നു . അതിനകത്ത് ക്രോമസോം(Chromosome) തന്തുക്കക്കൾ ജോഡികളായി കാണപ്പെടുന്നു.46 ക്രോമസോം മനുഷ്യരിൽ കാണാം .  അവ നിർമ്മിചിട്ടുള്ളത് കോണി ആകൃതിയിലുള്ള ഇഴപിരിഞ്ഞു നില്ക്കുന്ന ഡി എൻ എ  സ്ട്രാണ്ട് (DNA Strand ) കൊണ്ടാണ് .

കോശം- ക്രോമസോം-DNA - ജീൻ  

                ഒരു ഡി എന്‍ എ യുടെ നിർമ്മാണം ഇരുവശത്തും ഫോസ്പറ്റ് (Phosphate ),ഷുഗർ (Sugar ) കൊണ്ടുള്ള നീണ്ട ചങ്ങല(Chain) കൊണ്ടും . ഇവകളെ തമ്മിൽ ബന്ധിപ്പിക്കുന്നത് നൈട്രോജിനസ്( Nitrogenous) ബയിസുകൾ(Nucleobase) ആണ് . ഇവ നാലെണ്ണം ഉണ്ട് .
1. Adenine
2.Thymin
3.Guanin
4.Cytosine
             ഇവയല്ലാം അടങ്ങിയ  ഡി എൻ എ (DNA) യുടെ ഏറ്റവും സൂക്ഷമമായ ഭാഗത്തെ ന്യൂക്ളിയോ ടൈഡുകള്‍ (Nucleotide)എന്ന് പറയുന്നു . ഇനി മറ്റൊരു ഭാഷയിൽ പറഞ്ഞാൽ  ന്യൂക്ളിയോ ടൈഡുകളുടെ നീണ്ട ചങ്ങലകളെ DNA എന്ന് പറയാം .

              ഇങ്ങനെ കുറെ  ന്യൂക്ളിയോ ടൈഡുകള്‍ കൂടി ഡി എൻ എ (DNA) യുടെ ഒരു ഭാഗത്തെ  നാം  ജീനുകൾ (Gene) എന്ന് വിളിക്കുന്നു .  പരസ്പരം ബന്ധിപ്പിക്കപ്പെട്ട  ന്യൂക്ളിയോബയിസുകളുടെ വ്യത്യസ്ത കൊമ്പിനേഷനുകളെ  കോഡോണുകൾ (Codon) കൾ  എന്ന് വിളിക്കാം . ഈ കോഡുകൾ കൊണ്ടാണ് ജീനുകളിൽ ഒരു മനുഷ്യ ജീവിക്ക് ആവശ്യമായ എല്ലാ നിർദേശങ്ങളും എഴുതി വെക്കപ്പെട്ടത്‌ .വെറും നാല് അക്ഷരങ്ങൾ കൊണ്ടാണ് ഇവ എഴുതിയത് .അതിനാൽ  ജീനുകളെ  ജീവപുസ്തകം എന്നും വിളിക്കാം.

            ഇതിൽ എഴുതിവെക്കപ്പെട്ടത് മുഴുവനും ഇതുവരെ അനാവരണം ചെയ്യപ്പെട്ടിട്ടില്ല . മനുഷ്യന്നു ആവശ്യമായ പ്രോട്ടീനുകൾ നിർമ്മിക്കുക എന്നതാണ് ജീനുകളുടെ ഒരു പ്രധാന ജോലി . പ്രോട്ടീനുകൾ നിർമ്മിച്ചിരിക്കുന്നത് അമിനോ അമ്ളങ്ങൾ(Amino Acids) കൊണ്ടാണ്.ജീനുകളിൽ മനുഷ്യന്നു ആവശ്യമായ 20 അമിനോ ആസിഡുകൾ നിർമ്മിക്കാൻ ആവശ്യമായ നിർദേശങ്ങൾ അടങ്ങിയിരിക്കുന്നു . ഊർജ്ജത്തെ (Energy ) ഉല്പാദിപ്പിക്കുന്നതിലും ,വഹിക്കുന്നതിലും ന്യൂക്ളിയോ ടൈഡുകള്‍ മുഖ്യമായ പങ്ക് വഹിക്കുന്നു 

ഒരു DNA രൂപം 

 
                  ഒരു ഭ്രൂണം വളർന്നു ഏതൊക്കെ അവയവങ്ങൾ ഉണ്ടാകണം,ആ അവയവങ്ങൾ എന്തൊക്കെ ധർമ്മം നിർവ്വഹിക്കണം , ഏതൊക്കെ സ്വഭാവ രൂപങ്ങൾ പ്രകടിപ്പിക്കണം തുടങ്ങിയവയെല്ലാം ജീനിൽ എഴുതിയിരിക്കുന്നു . ഈ കാര്യങ്ങൾ മക്കളിലേക്ക് കൈമാറ്റം ചെയ്യപ്പെടുന്നു .ഇതിൽ ചിലത് ഒരു തലമുറയിൽ പ്രകടിപ്പിക്കുമ്പോൾ ചിലതു അടുത്ത തലമുറയിൽ മാത്രമേ പ്രകടമായി കാണുകയുള്ളൂ.
ഉദാ : പിതാവിന്റെ രൂപ സാദ്രിശ്യം മക്കളിൽ ഉണ്ടാവണം എന്നില്ല ,എന്നാൽ അത്  മക്കളുടെ മക്കളിൽ കാണാം .

ചുരുക്കി ,

      ഒരു കോശത്തിലെ ക്രോമസോം  സെറ്റുകളെ ജീനോം എന്ന് പറയാം . 23 ക്രോമസോമുകളിലായി 300 കോടി   ഡി.എൻ.എ ബയിസ് പെയറുകൾ (Base Pairs of DNA) അടങ്ങിയതാണ് മനുഷ്യ ജീനോം (human genome) .ജനിതക വിവരങ്ങൾ അടങ്ങിയിരിക്കുന്ന  ഒരു  കഷ്ണം ഡി എൻ  എ ഭാഗത്തെ നാം ജീൻ എന്ന് വിളിക്കുന്നു.ഒരു മനുഷ്യന്റെ എല്ലാ വിവരങ്ങളും ജീനിൽ അടങ്ങിയിരിക്കുന്നു .ഇതാണ് പാരമ്പര്യമായി അടുത്ത തലമുറകളിലേക്ക് കൈമാറ്റം ചെയ്യപ്പെടുന്നത് .

മനുഷ്യ ശരീരത്തിലെ ക്രോമാസോം ,അതിൽ  അടങ്ങിയിരിക്കുന്ന ജീനുകളുടെ എണ്ണം ,അവയിൽ അടങ്ങിയിരിക്കുന്ന ബയിസ്  പെയറുകൾ തുടങ്ങിയവയുടെ  ചാർട്ട് കാണുക 

ലിംഗ നിർണ്ണയം എങ്ങിനെ ??

            23 ജോഡി അഥവാ 46  ക്രോമസോമുകളാണ് മനുഷ്യ കോശത്തിൽ ഉള്ളത് . ഇതിൽ അവസാനത്തേത് സെക്സ് ക്രോമാസോം  എന്ന് പറയും .അവ രണ്ടുണ്ട്. x ,y. ഇതാണ് പുരുഷ -സ്ത്രീ ലിംഗ നിർ ണ്ണയത്തിന്റെ  ആധാരം .23 ആം നമ്പർ x x ആണെങ്കിൽ  സ്ത്രീയും ,x y ആണെങ്കിൽ  പുരുഷനും ആയിരിക്കും.

               അപ്പോൾ പുരുഷ ബീജത്തിൽ 4 6 ന്റെ പകുതി (2 2 +x) അല്ലെങ്കിൽ (2 2 +y)  എണ്ണം മാത്രമേ ക്രോമസോം ഉണ്ടാവുകയുള്ളൂ.അതു പോലെ സ്ത്രീയുടെ അണ്ഡത്തിൽ  4 6 ന്റെ പകുതി (2 2 +x) ക്രോമസോം മാത്രമേ ഉണ്ടാവുകയുള്ളൂ .

നമ്മുടെ നഗ്നനേത്രങ്ങൾ കൊണ്ട് കാണാവുന്ന ഏക ഏക കോശം അണ്ഡ(Ovum) മാണ്. 

ചുരുക്കി,
                പുരുഷ ബീജം ആണ് സ്ത്രീ -പുരുഷ ലിംഗ നിർണ്ണയം തീരുമാനിക്കുന്നത്. സ്ത്രീയുടെ അണ്ഡത്തിനു അതിൽ റോള് ഇല്ല .മനുഷ്യൻ തലമുറകളിലൂടെ സ്വഭാവം ,വർണ്ണം ,മുഖ സാദ്രിശ്യം, തുടങ്ങിയവ കൈമാറുന്നത്,ആണ്‍ -പെണ്‍  വേർതിരിവ് ഉണ്ടാകുന്നത്   ജീൻ - ക്രോമസോം തുടങ്ങിയവയിലൂടെ ആണെന്ന് ഇതിലൂടെ മനസ്സിലാക്കാം.

 Note  :-ഗ്രിഗർ മെണ്ടലിന്റെ (Gregor Johann Mendel -1822 -1884)  പാരമ്പര്യ സിദ്ധാന്തം (The laws of inheritance) ,വീസ്മാന്റെ(Weizmann ,1834–1914))  ജെം പ്ളാസം തിയറി(Germ Plasm Theory) തുടങ്ങിയവ പരിശോധിക്കുക.

മനുഷ്യന്റെ ആയുസ്സ് പോലും ജീനിൽ എഴുതി വെച്ചിരിക്കുന്നു എന്ന് ശാസ്ത്രം പറയുന്നു .
ഇവിടെ ഖുറാൻ പറയുന്നത് കാണുക .
               "ദൈവം  നിങ്ങളെ മണ്ണില്‍നിന്ന് സൃഷ്ടിച്ചു. പിന്നെ ബീജകണത്തില്‍നിന്നും. അതിനുശേഷം അവന്‍ നിങ്ങളെ ഇണകളാക്കി. അവന്റെ അറിവോടെയല്ലാതെ ഒരു സ്ത്രീയും ഭാരം ചുമക്കുന്നില്ല. പ്രസവിക്കുന്നുമില്ല.  ഒരു വൃദ്ധനും ആയുസ്സ് നീട്ടിക്കൊടുക്കുന്നില്ല; ആരുടെയും ആയുസ്സില്‍ കുറവു വരുത്തുന്നുമില്ല ,ഒരു ഗ്രന്ഥത്തില്‍ രേഖപ്പെടുത്തിവെച്ചിട്ടല്ലാതെ.  അല്ലാഹുവിന് ഇതൊക്കെയും വളരെ എളുപ്പമാണ്." (ഖുർആൻ, അദ്ധ്യായം ,35, അൽ ഫാത്തിർ :11)

ജീവനും ആത്മാവും എവിടെ ?

           അപ്പോൾ ജീവനോ ? ജീവനും ഇത് പോലെ കൈമാറ്റം ചെയ്യപ്പെടുന്നുണ്ടോ ?മരണ സമയത്ത് നമുക്ക് ജീവൻ  നഷ്ടപ്പെടുന്നു എന്ന്  നമുക്ക് അറിയാം. എന്നാൽ ഈ ജീവൻ  എവിടെ നിന്ന് വന്നു എന്ന് ആരെങ്കിലും അന്വേഷിച്ചിട്ടുണ്ടോ ? മനുഷ്യൻ ഒരു വ്യക്തി ആയി രൂപാന്തരപ്പെടുന്നത് എപ്പോൾ ?ആരാണ് ഈ ഞാൻ ?മാതാവിന്റെ  ഗർഭപാത്രത്തിൽ  നിന്ന് വരുമ്പോൾ ഞാൻ എന്ന  പേര് ഉണ്ടായിരുന്നില്ല . കുറച്ചു നാളുകൾക്ക് ശേഷം എനിക്ക്   പേരിട്ടു. അതിന്നു മുമ്പ് ഈ "ഞാൻ"  എവിടെ ആയിരുന്നു ?? എന്തായിരുന്നു അന്ന് എന്റെ പേര് ??മാതാവിന്റെ  വയറ്റിൽ ........ബ്രൂണാവസ്ഥയിൽ  ഞാൻ എന്ന ഒരു അസ്ഥിത്വം ആയിരുന്നോ അതോ വെറും ഒരു മാംസ ക്കട്ട മാത്രമായിരുന്നോ ?അതിന്നു മുമ്പ് രണ്ടു ബീജങ്ങളിൽ  ആയി ഭാഗിക്കപ്പെട്ടിരുന്നോ ഈ ഞാൻ ...., അതിന്നും മുമ്പ്  ഞാൻ എവിടെ ആയിരുന്നു ???? അതെ ഈ "ഞാൻ" എന്ന വ്യക്തി അല്ലെങ്കിൽ വ്യക്തിത്വം (ആത്മാവും മനസ്സും ഉള്ള വ്യക്തി ) എവിടെ നിന്ന് വന്നു  ??

ഉത്തരം അത്ര വ്യക്തമല്ല .ഉത്തരം ശാസ്ത്ര ഗ്രന്ഥങ്ങളിൽ കാണാനാവുന്നുമില്ല.

എന്നാൽ മറ്റു വല്ലവരും ഇതിനെ കുറിച്ച് പറയുന്നുണ്ടോ ??

വേദ ഗ്രന്ഥങ്ങൾ പറയുന്നു :
               ആദിമ മനുഷ്യനായ ആദമിനെ ദൈവം കളിമണ്ണിൽ നിന്നും സൃഷ്ടിച്ചു കൃത്യമായ രൂപം നല്കി . ദൈവത്തിൽ നിന്നുള്ള ചൈതന്യം അവനിലേക്ക്‌ സന്നിവേശിപ്പിച്ചു .അതോടെ അവൻ ചലിക്കുന്ന ജീവനുള്ള മനുഷ്യനായി ,അവന്നു സംസാരിക്കാനുള്ള കഴിവ് ലഭിച്ചു  ,ചിന്തിക്കാനും  വിവേചിക്കാനും ബുദ്ധിയും നല്കി . അവന്റെ ആത്മാവിൽ നിന്ന് തന്നെ അവന്റെ ഇണയെ സൃഷ്ടിച്ചു ........അത് പോലെ സ്ത്രീ പുരുഷ ബന്ധത്തിലൂടെ അവന്റെ തലമുറ നില നിർത്തേണ്ട രീതിയും ഉണ്ടാക്കി വെച്ചു.

"നിശ്ചയമായും മനുഷ്യനെ നാം, മുട്ടിയാല്‍ മുഴങ്ങുന്ന, ഗന്ധമുള്ള കറുത്ത കളിമണ്ണില്‍ നിന്നുസൃഷ്ടിച്ചു." (ഖുർആൻ, അദ്ധ്യായം, 15 ,അല്‍ ഹിജ്ര്‍ : 26)
 

"പിന്നീട് അവനെ വേണ്ടവിധം ശരിപ്പെടുത്തി. എന്നിട്ട് തന്റെ റൂഹില്‍ നിന്ന് അതിലൂതി (ജീവന്‍ സന്നിവേശിപ്പിച്ചു). നിങ്ങള്‍ക്കവന്‍ കേള്‍വിയും കാഴ്ചകളും ഹൃദയങ്ങളും ഉണ്ടാക്കിത്തന്നു. എന്നിട്ടും നന്നെ കുറച്ചേ നിങ്ങള്‍ നന്ദി കാണിക്കുന്നുള്ളൂ."(ഖുറാൻ, അദ്ധ്യായം ,32 ,അസ്സജദ : 9 )

"മനുഷ്യനെ നാം കൂടിക്കലര്‍ന്ന ദ്രവകണ ത്തില്‍നിന്ന് സൃഷ്ടിച്ചു; നമുക്ക് അവനെ പരീക്ഷിക്കാന്‍ . അങ്ങനെ നാമവനെ കേള്‍വിയും കാഴ്ചയുമുള്ളവനാക്കി."(ഖുർആൻ അദ്ധ്യായം,76,അല്‍ ഇന്‍സാന്‍ :2)

"താന്‍ സൃഷ്ടിച്ച ഏതും ഏറെ നന്നാക്കി ക്രമീകരിച്ചവനാണവന്‍. അവന്‍ മനുഷ്യസൃഷ്ടി ആരംഭിച്ചത് കളിമണ്ണില്‍നിന്നാണ്.പിന്നെ അവന്റെ വംശപരമ്പരയെ നന്നെ നിസ്സാരമായ ഒരു ദ്രാവക സത്തില്‍ നിന്നുണ്ടാക്കി."(ഖുറാൻ, അദ്ധ്യായം ,32 ,അസ്സജദ: 7 ,8)

"ജനങ്ങളേ, നിങ്ങളുടെ നാഥനോട് ഭക്തിയുള്ളവരാവുക. ഒരൊറ്റ നഫ്സില്‍ നിന്ന് നിങ്ങളെ സൃഷ്ടിച്ചവനാണവന്‍. അതില്‍നിന്നുതന്നെ അതിന്റെ ഇണയെ സൃഷ്ടിച്ചു. അവ രണ്ടില്‍ നിന്നുമായി ധാരാളം പുരുഷന്മാരെയും സ്ത്രീകളെയും അവന്‍ വ്യാപിപ്പിച്ചു."(ഖുറാൻ, അദ്ധ്യായം,4,അന്നിസാഅ` :1)

           തലമുറകളിലൂടെ കുറെ സ്വഭാവങ്ങൾ മാത്രം കൈമാറ്റം ചെയ്യപ്പെടുക മാത്രമല്ല ചെയ്യുന്നത് . ജീവനുള്ള പ്രോഡക്റ്റ്  തന്നെയാണ് ഉണ്ടാകുന്നത് .ജീവ ചൈതന്യം എന്നത് ആദിയില്‍ മനുഷ്യന്നു ദൈവം നല്‍കി. റൂഹ് എന്നാണ് അതിനെ പറഞ്ഞത് . അതിൽ ആത്മാവും അടങ്ങിയിരുന്നു.അതോടെ അദ്ദേഹം വ്യക്തിത്വമുള്ള ഒരു മനുഷ്യനായി മാറി. ഇണ ഒരു വ്യത്യസ്ത സൃഷ്ടിയല്ല . പുരുഷന്റെ ആത്മാവിൽ നിന്ന് തന്നെ അതിനെ സൃഷ്ടിച്ചു . എന്ന് വെച്ചാൽ സ്ത്രീ പുരുഷ ബന്ധം എന്നത് പ്രകൃതി പരമായ ഒരു ആത്മീയ ബന്ധം ആണ് . രണ്ടു പേർക്ക് പ്രകൃതി പരമായി വിട്ടു പിരിഞ്ഞു ജീവിക്കാൻ ആവില്ല . വെറും ശാരീരികമായ ആകർഷണത്തിന്നു (Physical  attraction )മാത്രമല്ല , ഒരു തരം  ആത്മീയ ആകർഷണം (spiritual attraction ) തന്നെ സ്ത്രീ-പുരുഷ ബന്ധത്തിനു ഉണ്ട് . വ്യത്യസ്ത ആത്മാക്കളും വ്യക്തിത്വവും ഉള്ളവരായി ജനിക്കുന്നുവെങ്കിലും അവർ ഒന്നായി ജീവിക്കാനുള്ള സിസ്റ്റം  ഉണ്ടാവേണ്ടതുണ്ട് .അതിനാണ്  വിവാഹം എന്ന് പറയുന്നത് . മതങ്ങളാണ് യഥാർത്ഥത്തിൽ വിവാഹം  എന്ന യൂനിറ്റ്‌ തുടങ്ങിയത് .അതിപ്രാചീനവും  പുരാതനവും ആയ എല്ലാ മതങ്ങളിലും നിങ്ങൾക്ക് ഇത് കാണാം .

            സ്ത്രീ പുരുഷ ബന്ധത്തിലൂടെ പുതിയ തലമുറകള സ്രിഷ്ടിചെടുക്കപ്പെടുന്നു . അങ്ങിനെ മനുഷ്യ വംശം നില നില്ക്കുന്നു . സ്വഭാവങ്ങളും ശരീര രൂപവും ഈ ബന്ധതിലൂടെ കൈമാറ്റം ചെയ്യപ്പെടുന്നു . എന്നാൽ പുരുഷ ബീജത്തിലൂടെ അടുത്ത തലമുറയിലേക്കു ജീവനും കടക്കുന്നു പോകുന്നു. എന്നാല്‍ ആത്മാവ് അഥവാ വ്യക്തിത്വം ഉള്ള ഒരു മനുഷ്യന്‍ എന്നത് ഗർഭാവസ്ഥയില്‍ ഒരു ഘട്ടത്തില്‍ വന്നു ചേരുകയാണ് . ഈ പ്രക്രിയ  ഇന്നും തുടര്‍ന്ന് കൊണ്ടിരിക്കുന്നു.

മനുഷ്യന്ന് ജീവൻ എപ്പോള്‍  ലഭിച്ചു ?

മനുഷ്യൻ എന്ന വാക്കിന്നു രണ്ടു പദങ്ങൾ ഉപയോഗിക്കുന്നു :

1 .ബഷർ= നല്ല വാര്‍ത്ത നല്‍കുന്നവന്‍ 

2 .ഇൻസാൻ  = തിരിച്ചറിയാൻ കഴിവുള്ളത്

അപ്പോൾ സ്വയം തിരിച്ചറിയാനും , മറ്റുള്ളവർക്ക് സന്തോഷം നല്കാനും കഴിവുള്ളവൻ എന്നർഥം.

ഖുർആൻ  മനുഷ്യനെ നിർവചിക്കുന്നത് മൂന്നു വസ്തുക്കളുടെ മിശ്രിതമായാണ്.

1. ജിസ്മ് / ബദൻ /ജസദ്  (Body) :മനുഷ്യന്റെ  ഭൌതീക ശരീരം.

2.നഫ്സ് (Soul) :ആത്മാവ്,മനസ്സ്  എന്ന് അതിനെ പറയാം.കാരണം ആത്മാവിന്റെ കേന്ദ്രമാണ് മനസ്സ്.
3.റൂഹ് (Rooh )(Spirit) : ജീവന്‍ അഥവാ ജീവ ചൈതന്യം(ദിവ്യ ചൈതന്യം).

രണ്ടു സ്ഥലത്ത് മനുഷ്യന്നു റൂഹ് നല്കി എന്ന് ഖുറാൻ പറയുന്നു :

1 ) ആദമിന്റെ സൃഷ്ടിയിൽ :

"നിന്റെ നാഥന്‍ മലക്കുകളോട് പറഞ്ഞ സന്ദര്‍ഭം: നിശ്ചയമായും മുട്ടിയാല്‍ മുഴങ്ങുന്ന, ഗന്ധമുള്ള, കറുത്ത കളിമണ്ണില്‍ നിന്ന് നാം മനുഷ്യനെ (ബഷര്‍ )സൃഷ്ടിക്കാന്‍ പോവുകയാണ്."
(അല്‍ ഹിജ്ർ :26 ) 
"അങ്ങനെ ഞാനവനെ രൂപപ്പെടുത്തുകയും എന്റെ ആത്മാവില്‍ നിന്ന് അവനിലൂതുകയും ചെയ്താല്‍ നിങ്ങളെല്ലാവരും അവന് പ്രണാമമര്‍പ്പിക്കുന്നവരായിത്തീരണം."
(അല്‍ ഹിജ്ർ :29 )  

2 ) ഈസായുടെ സൃഷ്ടിയിൽ:

"അങ്ങനെ നാമവളില്‍ (മറിയം) നമ്മുടെ റൂഹില്‍ നിന്ന് ഊതി. "(ഖുർആൻ ,അല്‍ അന്‍ബിയാഅ`: 91 )

            ഈ രണ്ടു സന്ദർഭത്തിലും  പുരുഷ ബീജത്തിന്റെ സാന്നിധ്യം ഇല്ലാതെയാണ് അവർ സൃഷ്ടിക്കപ്പെടുന്നത് . അതിനാല്‍ അവിടെ റൂഹ് നല്‍കപ്പെട്ടു എന്ന് പറയുന്നു . അപ്പോൾ ആദിയിൽ ആദ്യ മനുഷ്യനിൽ തന്നെ ജീവൻ നല്കപ്പെട്ടു. ആ ജീവൻ  രേതസ്ക്കണത്തിലൂടെ തല മുറ ,തല മുറകളായി കൈ മാറ്റം ചെയ്തു കൊണ്ടിരിക്കുന്നു . ഈസായുടെ ജനനത്തിൽ അങ്ങിനെ നടന്നില്ല .അതിനാൽ അവിടെയും രൂഹ് നല്കി എന്ന് പറയുന്നു .

             എല്ലാ മനുഷ്യരിലും ഉള്ളത് ഒരേ തരത്തിലുള്ള ജീവനാണ് .എന്നാൽ എല്ലാ ഓരോ മനുഷ്യനിലും അവരുടെത് മാത്രമായ വ്യത്യസ്ത ആത്മാക്കളാണ് ,അതിന്നു സ്വന്തമായ അസ്തിത്വവും വ്യക്തിത്വവും ഉണ്ട് . അതിനെയാണ് നാം ഒരു പേരിട്ടു വിളിക്കുകയും , "ഞാൻ " എന്ന് അഭിമാന പൂർവ്വം  പറയുകയും ചെയ്യുന്നത് .

ചലന ശേഷി പുരുഷ ബീജത്തിന്നു എവിടുന്നു കിട്ടി ?

             അപ്പോൾ തലമുറകളിലൂടെ ജീവന്റെ അംശങ്ങളും പുരുഷ ബീജത്തിലൂടെ കടന്നു പോകുന്നു എന്ന് നാം മനസ്സിലാക്കുന്നു. കാരണം പുരുഷ ബീജത്തിന്നു (Sperm ) സ്വയം ചലിക്കാനുള്ള കഴിവുണ്ട് . സ്ത്രീയുടെ അണ്ഡം(Ovum ) സ്വയം  ചലന ശേഷി ഇല്ലാത്തതാണ് .ഫോലോപ്പിയൻ ട്യൂബി (Fallopian Tube) ലെ സീലിയ(Cilia)  കളുടെ ചലനമാണ് അണ്ഡം ഗർഭപാത്രത്തിലേക്ക് എത്താൻ സഹായിക്കുന്നത് .Sperm സ്വയം ചിലച്ചു അണ്ഡത്തെ പുല്കുകയാണ് ചെയ്യുന്നത് .

പുരുഷ ബീജം 

           എങ്ങിനെയാണ് സ്പെർമ്  ചലിക്കുന്നത്‌ ? അതിന്നു ജീവനുണ്ടോ ? ഒരു ദ്രവകത്തിലൂടെ അതിന്നു നീന്തി സഞ്ചരിക്കാൻ കഴിയുന്നത്‌ എന്ത് കൊണ്ട് ?  അതിനർത്ഥം അതിന്നു ജീവനുണ്ട് എന്ന് തന്നെയല്ലേ ?

         
             ഇരു ബീജങ്ങളും ചേര്‍ന്ന് സിക്താണ്ഡം( zygote) രൂപപ്പെടുന്നു.അത് ഒരു ഏക കോശമാണ് ,അത്  വിഘടിച്ചു  ക്രമേണ വളർന്നു ഭ്രൂണം(Embryo) ആകുന്നു. ബീജ സങ്കലനത്തിന്നു ശേഷമാണ് അണ്ഡം ബ്രൂണമായി മാറുന്നതും സ്വയം വളരാനുള്ള ശേഷി ലഭിക്കുന്നതും. അഥവാ  ജീവൻ  ലഭിക്കുന്നത് എന്നർത്ഥം . ബ്രൂണ വളർച്ചയുടെ ഒരുഘട്ടത്തിൽ ,നാലാം മാസത്തിൽ , റൂഹ് നല്കപ്പെടുന്നു എന്ന് ഹദീസിൽ കാണുന്നു .ജീവൻ  ഉള്ള വസ്തുവിന്നു വീണ്ടും ജീവൻ പ്രവേശിപ്പിക്കേണ്ട ആവശ്യം ഉണ്ടോ ? ആത്മാവ്(Soul)   നല്കപ്പെടുന്നു എന്നാണു അതിൽ നിന്നും മനസ്സിലാക്കേണ്ടത് . ജീവൻ അവിടെ നല്കപ്പെടുന്നില്ല കാരണം  ജീവൻ ഉണ്ടായത് കൊണ്ടല്ലേ ആ ഭ്രൂണം ഇത്രയും വളർന്നു വലുതായത് ? ആത്മാവ് പ്രവേശിക്കുന്നതോടെ  വ്യക്തി എന്ന അർത്ഥത്തിൽ അവ സ്വയം മാറുകയാണ്  . അങ്ങിനെ സ്വയം വ്യക്തിത്വമുള്ള ഓരോ കുട്ടികൾ ജനിച്ചു വീഴുന്നു.അവനെ  നാം പല പേരുകളിൽ വിളിക്കുന്നു .ആ കുട്ടിയുടെ ശരീരം വളരുന്നതിനൊപ്പം അവന്റെ വ്യക്തിത്വവും വളരുന്നു , എന്ന് വെച്ചാൽ ശരീരവും മനസ്സും വളരുന്നു എന്നർഥം.

ഉറക്കവും മരണവും

             ഉറക്കും മരണവും തമ്മിൽ സാദ്രിശ്യമുണ്ട് . ഉറങ്ങുമ്പോൾ നമ്മുടെ ജീവൻ നഷ്ടപ്പെടുന്നില്ല എന്നാൽ ആത്മാവ് (നഫ്സ് ) ഉയർത്തപ്പെടുന്നു . അതിനാൽ  ചിന്ത, ബുദ്ധി, കേൾവി, കാഴ്ച തുടങ്ങിയ ആത്മീയ ഗുണങ്ങൾ ഉറങ്ങുന്ന നമുക്ക് ഭൌതീകമായി നഷ്ടപ്പെടുന്നു .എന്തിന്നു, ഒരു പരിധി വരെ  സ്വയം ചലിക്കാനുള്ള ശേഷിയും നഷ്ടപ്പെടുന്നു.അതേസമയം ശ്വാസ-നിശ്വാസം ,ഹൃദയമിടിപ്പ്‌, രക്ത ചംക്രമണം തുടങ്ങിയ ജീവൽ പ്രവർത്തികൾ ശരീരത്തിൽ നടക്കുന്നു . 

              "മരണവേളയില്‍ ആത്മാക്കളെ(നഫ്സ്)  പിടിച്ചെടുക്കുന്നത് അല്ലാഹുവാണ്. ഇനിയും മരിച്ചിട്ടില്ലാത്തവരുടെ ആത്മാവിനെ (നഫ്സ്) അവരുടെ ഉറക്കത്തില്‍ പിടിച്ചുവെക്കുന്നതും അവന്‍ തന്നെ. അങ്ങനെ താന്‍ മരണംവിധിച്ച ശരീരത്തിന്റെ ആത്മാക്കളെ അവന്‍ പിടിച്ചുവെക്കുന്നു. മറ്റുള്ളവയെ ഒരു നിശ്ചിത കാലാവധി വരെ അവന്‍ തിരിച്ചയക്കുന്നു. ചിന്തിക്കുന്ന ജനത്തിന് തീര്‍ച്ചയായും ഇതില്‍ ധാരാളം ദൃഷ്ടാന്തങ്ങളുണ്ട്."(ഖുറാൻ, അദ്ധ്യായം, 39, അസ്സുമര്‍ :42 )

എന്നാൽ ,

ഒരു മനുഷ്യന്റെ  മരണം സംഭവിക്കുമ്പോൾ രണ്ടു കാര്യങ്ങൾ നഷ്ടപ്പെടുന്നു .

1 , ജീവൻ. 2 , ആത്മാവ്.

          ഇതിൽ ജീവൻ തലമുറയായി അവന്നു കൈമാറിക്കിട്ടിയതും ,ആത്മാവ് (വ്യക്തി,മനസ്സ്  ) അവന്റെ ബ്രൂണ വളർച്ചയുടെ ഒരു ഘട്ടത്തിൽ അവനിൽ വന്നു ചേർന്നതുമാണ്.ജീവൻ നിലനില്ക്കാൻ ആവശ്യമായ ശരീരത്തിന്റെ ശേഷി നഷ്ടപ്പെടുമ്പോൾ ആത്മാവ് ഇറങ്ങിപ്പോകുന്നു. വണ്ടിയുടെ എഞ്ചിൻ തകരായാൽ ഡ്രൈവർ വണ്ടിയിൽ നിന്നും ഇറങ്ങി പ്പോകുന്നു എന്നത് പോലെ .

      ശരീരത്തിൽ നിന്നും ജീവൻ (റൂഹ് )നഷ്ടപ്പെടുമ്പോൾ അതി കഠിനമായ വേദന അനുഭവപ്പെടുന്നു .കാരണം ഓരോ കോശത്തിൽ നിന്നും ജീവൻ നഷ്ടപ്പെടുകയാണ് അപ്പോൾ ചെയ്യുന്നത് .നമ്മുടെ എല്ലാ ജീവൽ പ്രവർത്തനങ്ങളും അവിടെ നിലക്കുകയാണ് .മനുഷ്യൻ ഒഴിച്ച് മറ്റുള്ള ജീവ ജാലങ്ങൾക്ക്  ആത്മാവ് (വക്തിത്വം )( നഫ്സ് )  ഇല്ല. എന്നാൽ അവയ്ക്ക് ജീവനുണ്ട് .  അവ മരണമടയുമ്പോൾ അത് മാത്രമേ നഷ്ടപ്പെടുന്നുള്ളൂ .

ഇത് ഒരു പഠനവും  അന്വേഷണവും മാത്രമാണ് ,വിയോജിപ്പുകൾ സ്വാഗതം ചെയ്യുന്നു  

Note :The law of conservation of energy :  Energy can be neither created nor destroyed....
ജീവനും തഥൈവ .

ആദം :നഗ്നതയുടെയും വസ്ത്രത്തിന്റെയും പിന്നില്‍ ?

       നാണം അഥവാ ലജ്ജ  എന്ന  ബോധം മനുഷ്യനില്‍ എങ്ങിനെ ഉണ്ടായി ?ഇന്നിന്ന ഭാഗങ്ങള്‍ നഗ്നതയാണെന്ന് മനുഷ്യന്‍ എങ്ങിനെ തീരുമാനിച്ചു? നിര്‍ലജ്ജമായി  ജീവിക്കാന്‍ മനുഷ്യനെ പ്രേരിപ്പിക്കുന്ന ഘടകം എന്ത്? ഇത് ചക്രവാളങ്ങളില്‍ എവിടെയെങ്കിലും എഴുതി വെച്ചിട്ടുണ്ടോ ?ജനിക്കുമ്പോള്‍ തന്നെ നമുക്ക് ഈ ബോധം എവിടെ നിന്ന് വന്നു ? പരിണാമ ശ്രേണിയില്‍ എപ്പോഴാണ് ഇത് കയറിവന്നത് ?

              മൃഗങ്ങളില്‍ നിന്നും മനുഷ്യനെ വേര്‍തിരിക്കുന്ന ഒരു ഘടകം ലജ്ജയാണ് .മൃഗങ്ങള്‍ക്ക് നാണം ഇല്ലാത്തതിനാല്‍ വസ്ത്രം ധരിക്കേണ്ട ബോധം അവര്‍ക്കില്ല .എന്നാല്‍ നാണം എന്ന വികാരം  മനുഷ്യനില്‍ നഗ്നതയെ കുറിച്ച ബോധം നിലനിര്‍ത്തുന്നു.അത് നമ്മില്‍  വസ്ത്രം ധരിക്കണം എന്ന ഓര്മ ഉണ്ടാക്കുന്നു. അപ്പോള്‍ നഗ്നത മറക്കുക എന്നത് പ്രകൃതിപരമായ ഒരാവശ്യമായി വരുന്നു.അതിന്നു തടസ്സം നില്‍ക്കുന്നവര്‍ പ്രകൃതി വിരുദ്ധത പ്രോത്സാഹിപ്പിക്കുന്നു എന്നര്‍ത്ഥം.അതിനാല്‍ നഗ്നത മറക്കല്‍ എന്നത് പ്രകൃതിപരവും ,ധാര്മീകവും അതിനാല്‍ മതപരവും ആകുന്നു.

        എന്നാല്‍ വസ്ത്രം ഉരിയുക എന്നതും നഗ്നത പ്രദര്‍ശിപ്പിക്കുക എന്നതും പ്രകൃതി വിരുദ്ധമാണ്. മുതലാളിത്തം പ്രോത്സാഹിപ്പിക്കുന്നത് അതാണ്‌ .അതിനാല്‍ പാശ്ചാത്യന്‍ പഠിപ്പിക്കുന്ന സംസ്ക്കാരത്തില്‍ നിങ്ങള്‍ക്ക് അത് കാണാം.

        നിങ്ങളുടെ അന്വേഷണം തുടരുക .നാണം എന്നത് ശാസ്ത്രം എവിടെയെങ്കിലും വിശദീകരിച്ചിട്ടുണ്ടോ ? ഖുര്‍ആന്‍ ഇതു വളരെ മനോഹരമായി അവതരിപ്പിച്ചിരിക്കുന്നു.......ഒരു പക്ഷേ നിങ്ങളുടെ അന്വേഷണതിന്നു ഇതൊരു മുതല്‍ കൂട്ടായേകാം .

ആദി മനുഷ്യനായ ആദമിനെ കുറിച്ച് പറയുന്നു :

          "അങ്ങനെ അവരിരുവരും ആ വൃക്ഷത്തില്‍നിന്ന് ഭക്ഷിച്ചു. അതോടെ അവര്‍ക്കിരുവര്‍ക്കും തങ്ങളുടെ നഗ്നത വെളിവായി. ഇരുവരും സ്വര്‍ഗത്തിലെ ഇലകള്‍കൊണ്ട് തങ്ങളെ പൊതിയാന്‍ തുടങ്ങി. "(താഹ :121)

          "അല്ലയോ ആദം സന്തതികളേ, നാം നിങ്ങള്‍ക്ക് നഗ്നത മറയ്ക്കുകയും ശരീരത്തെ സൂക്ഷിക്കുകയും അലങ്കരിക്കുകയും ചെയ്യുന്ന വസ്ത്രം ഇറക്കിത്തന്നിരിക്കുന്നു. ഏറ്റവും വിശിഷ്ടമായ വസ്ത്രം ഭക്തിയുടെ വസ്ത്രമാകുന്നു. ഇത് അല്ലാഹുവിന്റെ ദൃഷ്ടാന്തങ്ങളില്‍ ഒരു ദൃഷ്ടാന്തമാകുന്നു. ജനം ഇതില്‍നിന്നു പാഠമുള്‍ക്കൊണ്ടെങ്കിലോ. "

          "അല്ലയോ ആദംസന്തതികളേ, ചെകുത്താന്‍ നിങ്ങളുടെ മാതാപിതാക്കളെ സ്വര്‍ഗത്തില്‍നിന്നു പുറത്താക്കുകയും, ഗുഹ്യഭാഗങ്ങള്‍ പരസ്പരം വെളിപ്പെടുത്തുന്നതിന് അവരുടെ വസ്ത്രം ഊരിക്കളയുകയും ചെയ്തതുപോലെ ഇനിയും അവന്‍ നിങ്ങളെ കുഴപ്പത്തിലാക്കാതിരിക്കട്ടെ. നിങ്ങള്‍ക്ക് അവരെ കാണാനാവാത്ത നിലയില്‍ അവനും കൂട്ടുകാരും നിങ്ങളെ കണ്ടുകൊണ്ടിരിക്കുകയാകുന്നു. ഈ ചെകുത്താന്മാരെ നാം, വിശ്വസിക്കാത്തവരുടെ രക്ഷാധികാരികളാക്കിയിരിക്കുന്നു."

(അല്‍ അഅ`റാഫ് :26 ,27)

        നഗ്നത മറക്കുക എന്നത് ലഘുവായി പറഞ്ഞാല്‍ മതം . വസ്ത്രം ഉരിയുക എന്നത് പിശാചിന്റെ പ്രേരണ അതിനാല്‍ അത് പൈശാചികമാണ് എന്നും അര്‍ഥം.അതിനെ പ്രോല്സാഹിപ്പിക്കുന്നവര്‍ പൈശാചിക മാര്‍ഗ്ഗമാണ് പിന്തുടരുന്നത് .അത് യുക്തിവാദത്തിന്റെയോ ,മോഡേണ്‍ ലോകത്തിന്റെ പേരിലായാലും ,അത് അന്ധവിശ്വാസത്തിന്റെ പേരില്‍ ആയാലും, പോരോഹിത്യ മതതിന്റെ പേരില്‍ ആയാലും ശരി പൈശാചികം തന്നെ .ദൈവീകതക്കും ധര്മീകതക്കും മനുഷ്യ പ്രകൃതിക്കും യോജിച്ചതല്ല .

       മറ്റു ജന്തു ജാലങ്ങളില്‍ നിന്ന് വ്യത്യസ്തമായി മനുഷ്യനില്‍ പ്രകൃത്യാ രോമത്താലുള്ള ശക്തമായ  ആവരണം ശരീരത്തില്‍  ഇല്ല .അതിന്നു പകരം നാണം അല്ലെങ്കില്‍ ലജ്ജ എന്ന ബോധം മനുഷ്യ മനസ്സില്‍ നിക്ഷേപിക്കുകയാണ് ചെയ്തത് .

     അപ്പോള്‍ വസ്ത്രധാരണ എന്നത് അലങ്കാരത്തിനോ ,കാലാവസ്ഥാ സംരക്ഷണത്തിനോ മാത്രമല്ല.നഗ്നത മറക്കുക എന്നതിനും കൂടിയാണ് .അത് വെറും അലങ്കാരതിന്നു മാത്രം ആക്കുന്നത് മുതലാളിത്ത വീക്ഷണമാണ്.

മനുഷ്യനില്‍ പ്രകൃത്യാ ഉള്ള ധാര്മീകതയുടെ ഏക കവചം നാണമാണ് .അത് നഷ്ടപ്പെടുക എന്നത് മനുഷ്യന്‍ മൃഗ തുല്യമാകുന്നു എന്നര്‍ത്ഥം.അതിനെ നീക്കം ചെയ്യാനുള്ള എന്ത് നീക്കവും മനുഷ്യ കുലത്തിന്നു നേരെയുള്ള അക്രമമെത്രേ....   
കൂടുതല്‍ വിശദീകരണം താഴെ വായിക്കാം :

ആദം :മനുഷ്യ പ്രകൃതിയെ നിര്‍വ്വചിക്കുന്ന വിധം

                                                                                  -Abid ali TM Padanna

        എപ്പോഴാണ്  മനുഷ്യന്‍  വിശപ്പ്‌,ദാഹം  മുതലായ വികാരങ്ങള്‍ അറിയാന്‍ തുടങ്ങിയത് ? നാണം എന്ന ബോധം എന്ന് മുതല്‍ ആരംഭിച്ചു ?ചൂട്,തണുപ്പ് എന്ന അനുഭവം എന്ന് മുതല്‍ ഉണ്ടായി തുടങ്ങി ? ഇവയൊക്കെ നമ്മുടെ ബോധ മണ്ഡലത്തിലേക്ക് വന്നതു എപ്പോള്‍ മുതലാണ്‌  ? സുഖവും ദുഖവും എന്ന് മുതല്‍ തിരിച്ചറിഞ്ഞു തുടങ്ങി ?ജീവപരിണാമത്തിന്റെ ഏതെങ്കിലും ഘട്ടങ്ങളില്‍ യാദ്രിശ്ചികമായി വന്നു കയറിയതാണോ ഇവ ?? ശാസ്ത്രം ഇതുവരെ ഇതിനു കൃത്യമായ ഒരു ഉത്തരവും നല്‍കിയിട്ടില്ല .
പിന്നെ നമ്മുടെ മുന്നില്‍ ഇവയെ കുറിച്ച് പ്രതിപാതിക്കുന്ന വല്ല രേഖയും ഉണ്ടോ ??
നമുക്ക് പരിശോധിക്കാം ..... 

    ആദം എന്ന പേര് നാം കേട്ടിരിക്കും ആദമിനെ (അ) മനുഷ്യ കുലത്തിന്റെ ആദി പിതാവും ആദ്യത്തെ പ്രവാചകനായും നാം മനസ്സിലാക്കുന്നു. എന്നാല്‍ വെറും ചില കഥകള്‍ പറയുക എന്നതിന്നപ്പുറം ആദമിലൂടെ മനുഷ്യ പ്രകൃതി,അവന്റെ ജന്മവാസന എന്നിവയെ അവതരിപ്പിക്കുകയാണ് ഖുര്‍ആന്‍ ചെയ്യുന്നത്  ചില അന്വേഷണങ്ങള്‍...

 

 ഭക്ഷണം,വസ്ത്രം,പാര്‍പ്പിടം 

                  "അപ്പോള്‍ നാം പറഞ്ഞു: "ആദമേ, തീര്‍ച്ചയായും അവന്‍ (പിശാച് ) നിന്റെയും നിന്റെ ഇണയുടെയും ശത്രുവാണ്. അതിനാല്‍ അവന്‍ നിങ്ങളിരുവരെയും സ്വര്‍ഗത്തില്‍നിന്ന് പുറത്താക്കാന്‍ ഇടവരാതിരിക്കട്ടെ. അങ്ങനെ സംഭവിച്ചാല്‍ നീ ഏറെ നിര്‍ഭാഗ്യവാനായിത്തീരും.തീര്‍ച്ചയായും നിനക്കിവിടെ വിശപ്പറിയാതെയും നഗ്നനാകാതെയും കഴിയാനുള്ള സൌകര്യമുണ്ട്."ദാഹമനുഭവിക്കാതെയും ചൂടേല്‍ക്കാതെയും ജീവിക്കാം.”(ത്വാഹ :117-119)

   "നാം പറഞ്ഞു: "ആദമേ, നീയും നിന്റെ ഇണയും സ്വര്‍ഗത്തില്‍ താമസിക്കുക. വിശിഷ്ട വിഭവങ്ങള്‍ വേണ്ടുവോളം തിന്നുകൊള്ളുക. പക്ഷേ, ഈ വൃക്ഷത്തോടടുക്കരുത്. അടുത്താല്‍ നിങ്ങളിരുവരും അതിക്രമികളായിത്തീരും.“(Al Baqara :35 )

 

      ആദിയില്‍ മനുഷ്യന്‍ സ്വര്‍ഗ്ഗത്തില്‍(ജന്നത്ത് =തോട്ടം ) വിശപ്പ്‌, ദാഹം എന്നിവ  അറിഞ്ഞിരുന്നില്ല.കാരണം ഭക്ഷണം,ജലം എന്നിവ അവന്നു ലഭിച്ചിരുന്നു. ആദിയില്‍ മനുഷ്യന്നു നാണം എന്ന ബോധം ഉണ്ടായിരുന്നില്ല .അതിനാല്‍ വസ്ത്രം ആവശ്യമായിരുന്നില്ല. ആദിയില്‍ മനുഷ്യന്‍ തണുപ്പ്,ചൂട് എന്നിവ അറിഞ്ഞിരുന്നില്ല അതിനാല്‍ പാര്‍പ്പിടത്തിന്റെ ആവശ്യം ഉണ്ടായിരുന്നില്ല.           

         ചുരുക്കി ആദിയില്‍ മനുഷ്യന്നു അടിസ്ഥാന ആവശ്യങ്ങളായ ഭക്ഷണം, വസ്ത്രം, പാര്‍പ്പിടം തുടങ്ങിയവയുടെ പൂര്‍ത്തീകരണത്തിനായ്  പരിശ്രമിക്കേണ്ടി വന്നില്ല.പിന്നീട് മനുഷ്യന്റെ മേല്‍ ഈ ആവശ്യങ്ങള്‍ ഒരു ഉത്തരവാദിത്വങ്ങളായി വന്നു ചേരുകയാണ് ഉണ്ടായത്.
              ഇവിടെ മനുഷ്യന്റെ ഭൂമിയിലെ മൂന്നു അടിസ്ഥാന ആവശ്യങ്ങള്‍ എന്താണെന്നും അതിനായുള്ള അദ്വാന പരിശ്രമം മനുഷ്യ പ്രകൃതിയുടെഭാഗം ആണെന്നും അതില്‍ നിന്ന് മാറി നില്‍ക്കാന്‍ ഒരു മനുഷ്യന്നും സാധ്യമല്ല എന്നും നമുക്ക് വായിക്കാം.

അമരത്വം,അധികാരം എന്ന വ്യാമോഹം 
        "എന്നാല്‍ പിശാച് അദ്ദേഹത്തിന് ഇങ്ങനെ ദുര്‍ബോധനം നല്‍കി: "ആദമേ, താങ്കള്‍ക്ക് നിത്യജീവിതവും അന്യൂനമായ ആധിപത്യവും നല്‍കുന്ന ഒരു വൃക്ഷം കാണിച്ചുതരട്ടെയോ?”

        "അങ്ങനെ അവരിരുവരും ആ വൃക്ഷത്തില്‍നിന്ന് ഭക്ഷിച്ചു. അതോടെ അവര്‍ക്കിരുവര്‍ക്കും തങ്ങളുടെ നഗ്നത വെളിവായി. ഇരുവരും സ്വര്‍ഗത്തിലെ ഇലകള്‍കൊണ്ട് തങ്ങളെ പൊതിയാന്‍ തുടങ്ങി. ആദം തന്റെ നാഥനെ ധിക്കരിച്ചു. അങ്ങനെ പിഴച്ചുപോയി."(ത്വാഹ :120,121 )     

         വ്യാമോഹമാണ് മനുഷ്യന്റെ എല്ലാ പതനത്തിന്നും കാരണം. അന്നും ഇന്നും എന്നും ഇതു തന്നെയാണ് സകലത്തിന്റെയും പ്രശ്നം. ഇതു കല്പിക്കുന്നത് പിശാചാണ്.അതിനാല്‍ ഈ വികാരം പൈശാചികമാണ്.ഒരിക്കലുംമരിക്കാതെ ജീവിക്കണം എന്ന മനുഷ്യന്റെ ആഗ്രഹം (അമരത്വം),അത് പോലെ ഒരിക്കലും നഷ്ടപ്പെടാത്ത അധികാരം നിലനില്‍ക്കണം എന്ന ഉള്‍വിളിയും മനുഷ്യനില്‍ ഇങ്ങനെയാണ് ലഭിച്ചത് .

      

മറവിയും പശ്ചാത്താപവും  
    "നാം ഇതിനു മുമ്പ് ആദമിനോടും കരാര്‍ ചെയ്തിരുന്നു. പക്ഷേ, അദ്ദേഹമത് മറന്നു. അദ്ദേഹത്തെ നാം ഇച്ഛാശക്തിയുള്ളവനായി കണ്ടില്ല."(താഹ :115)   
      "പിന്നീട് തന്റെ നാഥന്‍ അദ്ദേഹത്തെ തെരഞ്ഞെടുത്തു. അദ്ദേഹത്തിന്റെ പശ്ചാത്താപം സ്വീകരിച്ചു. അദ്ദേഹത്തെ നേര്‍വഴിയില്‍ നയിച്ചു." (ത്വാഹ :122 )                  

       മറവി എന്ന അനുഗ്രഹം ചിലപ്പോള്‍ അബദ്ധങ്ങളിലേക്ക്  മനുഷ്യനെ ചാടിച്ചേക്കാം  അതേ സമയം അതില്‍ നിന്ന് വിരമിക്കാന്‍ പാശ്ചാതാപം എന്ന ബോധവും മനുഷ്യ പ്രകൃതിയില്‍ അന്തര്‍ലീനമാണ്.
      പാശ്ചാതാപം  എന്നത്,മനസ്സാക്ഷി അല്ലെങ്കില്‍ കുറ്റബോധം എന്ന ആത്മ വേദനയെ സൂചിപ്പിക്കുന്നു .

ദുഃഖം ഭയം 
       "നാം കല്‍പിച്ചു: "എല്ലാവരും ഇവിടം വിട്ട് പോകണം. എന്റെ മാര്‍ഗദര്‍ശനം നിങ്ങള്‍ക്ക് അവിടെ വന്നെത്തും. സംശയമില്ല; എന്റെ മാര്‍ഗം പിന്തുടരുന്നവര്‍ നിര്‍ഭയരായിരിക്കും; ദുഃഖമില്ലാത്തവരും".(Al baqara :38)

         ആദിയില്‍ സന്തോഷം മാത്രമേ അവന്നു ഉണ്ടായിരുന്നുള്ളൂ സമാധാനം മാത്രമേ അവന്‍ അനുഭവിച്ചിരുന്നുള്ളൂ. ദുഃഖം ഭയം തുടങ്ങിയ പിന്നീട് അവനില്‍ വന്നു ചേര്‍ന്നതാണ്. അതില്‍ നിന്ന് മോചനം നേടാനുള്ള മാര്‍ഗ്ഗം അവന്നു നല്‍കപ്പെട്ടിട്ടുണ്ട്. 

       

ആദം: മനുഷ്യ പ്രകൃതിയുടെ മാത്രക

                                                                                             -Abid ali TM Padanna

                   ആദം (അ) മനുഷ്യ സമൂഹത്തിന്റെ ആദി പിതാവായും ആദ്യത്തെ പ്രവാചകനായും നാം മനസ്സിലാക്കുന്നു. എന്നാല്‍ വെറും ചില കഥ പറയുക എന്നതിന്നപ്പുറം ആദമിലൂടെ മനുഷ്യ പ്രകൃതി, അവന്റെ ജന്മവാസന എന്നിവയെ അവതരിപ്പിക്കുകയാണ് ഖുര്‍ആന്‍ ചെയ്യുന്നത്.ചില അന്വേഷണങ്ങള്‍.......

                 എപ്പോഴാണ്  മനുഷ്യന്‍  വിശപ്പ്‌,ദാഹം  തുടങ്ങിയവ അനുഭവിക്കാന്‍ തുടങ്ങിയത് ? നാണം എന്ന ബോധം എന്ന് മുതല്‍ ഉണ്ടായി?  ചൂട്, തണുപ്പ് എന്നിവയില്‍ നിന്നും രക്ഷനേടാന്‍ പാര്‍പ്പിടങ്ങള്‍ ഉപയോഗിച്ചു തുടങ്ങിയത് എപ്പോള്‍? അതിനായ് നാം അധ്വാനിച്ചു തുടങ്ങിയത് എപ്പോള്‍ ?

ഖുര്‍ആന്‍ പറയുന്നു:

                "അപ്പോള്‍ നാം പറഞ്ഞു "ആദമേ, തീര്‍ച്ചയായും അവന്‍(പിശാച്) നിന്റെയും നിന്റെ ഇണയുടെയും ശത്രുവാണ്.അതിനാല്‍ അവന്‍ നിങ്ങളിരുവരെയും സ്വര്‍ഗ്ഗത്തില്‍ നിന്ന് പുറത്താക്കാന്‍ ഇടവരാതിരിക്കട്ടെ.അങ്ങിനെ സംഭവിച്ചാല്‍ നീ ഏറെ നിര്‍ഭാഗ്യവാനായിത്തീരും.                       തീര്‍ച്ചയായും നിനക്ക് ഇവിടെ വിശപ്പ്‌ അറിയാതെയും നഗ്നനാകാതെയും കഴിയാനുള്ള സൌകര്യമുണ്ട്. ദാഹമനുഭാവിക്കാതെയും ചൂടേല്‍ ക്കാതെയും ജീവിക്കാം.

                    എന്നാല്‍ പിശാച് അദ്ദേഹത്തിനു ഇങ്ങനെ ദുര്‍ബോധനം നല്‍കി: "ആദമേ താങ്കള്‍ക്ക് നിത്യ ജീവിതവും അന്യൂനമായ ആധിപത്യവും നല്‍കുന്ന ഒരു വൃക്ഷം കാണിച്ചു തരട്ടയോ ?"അങ്ങിനെ അവരിരുവരും ആ വൃക്ഷത്തില്‍ നിന്ന് ഭക്ഷിച്ചു.അതോടെ അവര്‍ക്കിരുവര്‍ക്കും തങ്ങളുടെ നഗ്നത വെളിവായി.ഇരുവരും സ്വര്‍ഗ്ഗത്തിലെ ഇലകള്‍ കൊണ്ട് തങ്ങളെ പൊതിയാന്‍ തുടങ്ങി.ആദം തന്റെ നാഥനെ ധിക്കരിച്ചു അങ്ങിനെ പിഴച്ചുപോയി.    

                    പിന്നീട് തന്റെ നാഥന്‍ അദ്ദേഹത്തെ തെരഞ്ഞെടുത്തു.അദ്ദേഹത്തിന്റെ പാശ്ചാതാപം സ്വീകരിച്ചു.അദ്ദേഹത്തെ നേര്‍വഴിയില്‍ നയിച്ചു."  (ത്വാഹ :117  -122 ) 

അമരത്വം,അധികാരം എന്ന വ്യാമോഹങ്ങള്‍

               വ്യാമോഹമാണ് മനുഷ്യന്റെ എല്ലാ പതനത്തിന്നും കാരണം. അന്നും ഇന്നും എന്നും ഇതു തന്നെയാണ് സകലത്തിന്റെയും പ്രശ്നം. ഇതു കല്പിക്കുന്നത് പിശാചാണ്.അതിനാല്‍ ഈ വികാരം പൈശാചികമാണ്.

             

               മരിക്കാതെ എന്നെന്നും ജീവിക്കണം എന്ന മോഹം, അത് പോലെ ഒരിക്കലും  നശിക്കാത്ത അധികാരം വേണമെന്ന മോഹവും മനുഷ്യ പ്രകൃതിയാണ്. എന്നും ജീവിക്കാനുള്ള ആഗ്രഹം അവനെ കൂടുതല്‍ സ്വാര്‍ത്ഥനും അത്യാഗ്രഹിയും ആക്കിത്തീക്കുന്നു.കഴിയുന്നത്ര ജീവിതം ആസ്വദിക്കണം എന്ന ചിന്തയുടെ അടിസ്ഥാനം ഇതാണ്.അധികാരം ഏതു രീതിയിലും കൈക്കലാക്കുക, കഴിയുന്നത്ര സമ്പത്ത് തന്റെ അധീനതയില്‍ കൊണ്ട് വരിക,അത് ഏതു രീതിയിലും വെട്ടിപ്പിടിച്ചാലും ശരി.ഇതു ചെയ്യിപ്പിക്കുന്നത് അധികാരമോഹമാണ്.

                   വൃക്ഷത്തിന്റെ പഴം രണ്ട് പേരും കഴിച്ചു എന്ന് പറഞ്ഞാല്‍ ജീവിതം ആസ്വദിക്കാനും സമ്പത്തും അധികാരവും നിലനിര്‍ത്താനും മനുഷ്യന്‍ ദൈവ കല്‍പ്പനക്കു എതിര്‍ പ്രവര്‍ത്തിക്കുകയും തിന്മകള്‍ ചെയ്യുമെന്നുമാണ് മനസ്സിലാക്കേണ്ടത് .   

ഭക്ഷണം,വസ്ത്രം,പാര്‍പ്പിടം 

               ആദിയില്‍ മനുഷ്യന്‍ സ്വര്‍ഗ്ഗത്തില്‍ വിശപ്പ്‌,ദാഹം എന്നിവ  അറിഞ്ഞിരുന്നില്ല. അതിനാല്‍ ഭക്ഷണം ആവശ്യമുണ്ടായിരുന്നില്ല.

               ആദിയില്‍ മനുഷ്യന്നു നാണം എന്ന ബോധം ഉണ്ടായിരുന്നില്ല .അതിനാല്‍ വസ്ത്രം ആവശ്യമാരുന്നില്ല.

               ആദിയില്‍ മനുഷ്യന്‍ തണുപ്പ് ചൂട് എന്നിവ അറിഞ്ഞിരുന്നില്ല അതിനാല്‍ പാര്‍പ്പിടത്തിന്റെ ആവശ്യം ഉണ്ടായിരുന്നില്ല.            

                ആദിയില്‍ മനുഷ്യന്നു അടിസ്ഥാന ആവശ്യങ്ങളായ ഭക്ഷണം വസ്ത്രം പാര്‍പ്പിടം തുടങ്ങിയവയുടെ പൂര്‍ത്തീകരണത്തിനായ്  പരിശ്രമിക്കേണ്ടി വന്നില്ല.പിന്നീട് മനുഷ്യന്റെ മേല്‍ ഈ ആവശ്യങ്ങള്‍ ഒരു ഉത്തരവാദിത്വങ്ങളായി വന്നു ചേരുകയാണ് ഉണ്ടായത്.
                നിരോധിച്ച പഴം  ഭുജിച്ചതോടെ മനുഷ്യന്റെ മേല്‍  ഈ ആവശ്യങ്ങള്‍ ചുമത്തപ്പെടുകയായി. നഗ്നത വെളിവാവുകയും നാണം മറച്ചു തുടങ്ങി എന്ന് പരാമര്‍ശിച്ചത്  അതിന്റെ സൂചനയാണ്. ചൂടേല്‍ക്കുക അല്ലെങ്കില്‍ വിശപ്പ്‌ അനുഭവപ്പെടുക എന്നത് സമയം ആവശ്യമുള്ള കാര്യമാണ്.അവയെ അപേക്ഷിച്ച് നഗ്നത എന്നത് സമയം ആവശ്യമില്ലാതെ വസ്ത്രം അഴിഞ്ഞു വീണയുടന്‍  പെട്ടന്ന് തന്നെ വെളിവാകുന്നതാണ്.അതിനാലാണ് മറ്റ് രണ്ടിനെയും പറയാതെ നഗ്നതയെ മാത്രം കുറിച്ചു പറയാന്‍ കാരണം.

മറവിയും പശ്ചാത്താപവും  

                മറവി എന്ന അനുഗ്രഹം ചിലപ്പോള്‍ അബദ്ധങ്ങളിലേക്ക്  മനുഷ്യനെ ചാടിച്ചേക്കാം.അതേ സമയം അതില്‍ നിന്ന് വിരമിക്കാന്‍ പാശ്ചാതാപം എന്ന ബോധവും മനുഷ്യ പ്രകൃതിയില്‍ അന്തര്‍ലീനമാണ്.

ദുഃഖം ഭയം 

           ആദിയില്‍ സന്തോഷം മാത്രമേ അവന്നു ഉണ്ടായിരുന്നുള്ളൂ സമാധാനം മാത്രമേ അവന്‍ അനുഭവിച്ചിരുന്നുള്ളൂ. ദുഃഖം ഭയം തുടങ്ങിയ വികാരങ്ങള്‍ അവന്നു പിന്നീട് വന്നു ചേര്‍ന്നതാണ്. അതില്‍ നിന്ന് മോചനം നേടാനുള്ള മാര്‍ഗ്ഗം അവന്നു നല്‍കപ്പെട്ടിട്ടുണ്ട്.     

മനുഷ്യന്‍ സംസ്ക്കാര സമ്പന്നനാകുന്നത്‌ എങ്ങിനെ?

                                                                             

എന്താണ് സംസ്കാരം(Culture)? 

             നമ്മുടെ ജീവിതം എന്നത് സ്വഭാവം,വൃത്തി,പെരുമാറ്റം,ആചാര- മര്യാദകള്‍ തുടങ്ങിയ   ശീലങ്ങളാല്‍ സമ്പന്നമാണ് . ഇങ്ങനെയുള്ള ശീലങ്ങളുടെ കൂട്ടത്തെ നാം സംസ്ക്കാരം എന്ന് പറയും. ഉന്നത സംസ്ക്കാരമുള്ള വ്യക്തികള്‍ കൂടിച്ചേര്‍ന്നു ഉന്നത സംസ്ക്കാരമുള്ള സമൂഹമായി മാറുന്നു.

സംസ്ക്കാരം രൂപീകരിക്കപ്പെടുന്നത് എങ്ങിനെ? 

        ആരും പറഞ്ഞു തരാതെയും  ഒന്നും കാണാതെയും മനുഷ്യന്‍ ഒരു അറിവും നേടുന്നില്ല.എന്ന് വെച്ചാല്‍.അനുകരണത്തിലൂടെ മാത്രമാണ് നാം എല്ലാം  ശീലിക്കുന്നത്. ചെറുപ്പകാലത്ത് നാം ശീലിക്കുന്നത് എന്തോ  അതാണ് നമ്മുടെ സംസ്ക്കാരമായി  മാറുന്നത്.നമ്മുടെ ചെറിയ കുട്ടികള്‍ എങ്ങിനെയാണ് ഭാഷകളും ശീലങ്ങളും പഠിക്കുന്നത്? മാതാപിതാക്കളും,കുടുംബത്തിലെ അടുത്ത അംഗങ്ങളും പറയുന്നതും  ചെയ്യുന്നതും ചെറിയ കുട്ടികള്‍  കോപ്പി ചെയ്യുന്നു . അവരുടെ ഭാഷ, സംസാര രീതി(ടോണ്‍),സംസാര ശൈലി(സ്ലാങ്ക്), ശരീരഭാഷ, മുഖ ഭാവം,അവരുടെ നടത്തം, ആംഗ്യങ്ങള്‍, അതുപോലെ  ആചാര -പെരുമാറ്റ രീതികള്‍, അഭിവാദ്യ രീതികള്‍,ഭക്ഷണ മര്യാദകള്‍,വൃത്തി, ശുചിത്വം തുടങ്ങി എല്ലാം നാം  മറ്റുള്ളവരില്‍ നിന്ന് പകര്‍ത്തി എടുക്കുകയാണ് ചെയ്യുന്നത്. അപ്പോള്‍ ചെറുപ്പ കാലത്ത് കുട്ടികള്‍ ഒരു വീഡിയൊ  റെക്കോര്‍ഡര്‍ പോലെയാണ്.അത് മുന്നില്‍ കാണുന്നതും കേള്‍ക്കുന്നതും നടക്കുന്നതുമായ എല്ലാം  ഒപ്പിയെടുക്കുകയും അത് തന്നെ ആവശ്യമുള്ളപ്പോള്‍ നമുക്ക് കാണിച്ചു തരികയും ചെയ്യുന്നു .അതില്‍ നല്ലതേത് ചീത്തയേത്‌ എന്ന് തിരിച്ചറിയാന്‍ അവര്‍ക്കാവില്ല.നല്ലതെന്തെന്നുകൂടി നാം തന്നെ അവര്‍ക്ക് പറഞ്ഞു കൊടുക്കേണ്ടതുണ്ട്.  

 കുട്ടികളുടെ വളര്‍ച്ചയുടെ വലിയൊരു ഘട്ടം നാം വിദ്യഭ്യാസത്തിന്നായാണ് ചിലവഴിക്കുന്നത്.അതിനര്‍ത്ഥം മനുഷ്യന്‍ അറിവില്ലാത്തവനായാണ് ജനിക്കുന്നത് എന്നാണ്.ജനനം മുതല്‍ ഏകദേശം 5 വയസ്സ് വരെ വീട്ടിലും ശേഷം ഔപചാരികമായി 12 - 16 വര്‍ഷം സ്കൂളിലോ കോളെജിലോ ആയി നാം പഠിപ്പിക്കുകയാണ് 

മാതൃകാ വ്യക്തിത്വം-പ്രകൃതിയുടെ തേട്ടം   

         അപ്പോള്‍  അനുകരിക്കപ്പെടെണ്ട ഒരു  മാതൃകാ വ്യക്തിത്വ  (ideal person ) ത്തിന്റെ ആവശ്യകത  മനുഷ്യ പ്രകൃതി യുടെ തേട്ടമാണ്‌.  അനുകരിക്കേണ്ട വ്യക്തിത്വങ്ങളെ ചെറുപ്പത്തില്‍ മനസ്സില്‍ കാണാത്ത ആരെങ്കിലുമുണ്ടോ? ഞാന്‍ ഇന്ന ഒരാളാകണം  എന്ന് നമ്മില്‍ പലരും മനസ്സില്‍ കരുതാറില്ലേ ? ചിലപ്പോള്‍ നമ്മുടെ വീട്ടുകാര്‍ നമ്മോടു പറയാറില്ലേ- നിനക്ക് എന്ത് കൊണ്ട് അവനെ പ്പോലെ ആയിക്കൂടാ. അല്ലെങ്കില്‍ അവളെ  കണ്ടു പഠിക്കണം എന്നും മറ്റും. കുട്ടികള്‍ മോശം വാക്കുകളും പ്രവര്‍ത്തനങ്ങളും ശീലിക്കുന്നത് മോശം കൂട്ടുകെട്ടില്‍ നിന്നാണെല്ലോ?

            ഇനി ഈ അറിവ് നമുക്ക് പാരമ്പര്യമായി ലഭിക്കുന്നില്ല.അല്ലെങ്കില്‍ നമുക്ക് പകര്‍ന്നു കിട്ടുന്നത് മോശമായ ശീലങ്ങളാണെങ്കില്‍ നമ്മുടെ സ്വഭാവം, ശുചിത്വം ,ആചാര-മര്യാദകള്‍ തുടങ്ങി നമ്മെ നാമാക്കിത്തീര്‍ക്കുന്ന അല്ലെങ്കില്‍ ഓരോനിമിഷവും നമ്മില്‍ നിന്ന് മറ്റുള്ളവര്‍ അനുഭവിച്ചറിയുന്ന നമ്മുടെ ശീലങ്ങളെ നാം മോശമായി പ്രതിഫലിപ്പിക്കുന്നതാണ്.   

        ഞാനൊരു നല്ല സംസ്കാര സമ്പന്നനാണ് എന്ന് ഉറപ്പിച്ചു പറയണമെങ്കില്‍ എന്താണ് സംസ്ക്കാരം എന്ന് നാം അറിയേണ്ടതുണ്ട്.അപ്പോള്‍ ഒരു ചോദ്യം. എന്തടിസ്ഥാനത്തിലാണ് നാം നല്ലതും മോശവും തീരുമാനിക്കുക എന്നതാണത്.നാം ചെയ്യുന്നതോ അല്ലെങ്കില്‍ നമുക്ക് പകര്‍ന്നു കിട്ടിയതോ ആയ ശീലങ്ങള്‍ നല്ലതോ ചീത്തയോ എന്ന് അറിയണമെങ്കില്‍ നാം ആരെയാണ്  മാത്രകാ യോഗ്യതയ്ക്ക് മാനദണ്ഡമാക്കേണ്ടത് . ഇവിടെ നമ്മുടെ സമൂഹം എപ്പോഴും മാതാപിതാക്കളെയോ  കുടുംബത്തിലെ ഏതെങ്കിലും അംഗങ്ങളെയോ ആണ് മാത്രകയായി  സ്വീകരിക്കാരുള്ളത്. അപ്പോള്‍ നാം മറ്റൊരു പ്രശ്നത്തില്‍  പെടും.ഓരോരുത്തരും അവരവരുടേതായ രീതികള്‍ സ്വീകരിക്കും .അപ്പോള്‍ എല്ലാ കാര്യങ്ങളിലും  വ്യതസ്തമായ അഭിപ്രായങ്ങളും ശീലങ്ങളും സമൂഹത്തില്‍ ഉണ്ടാകുന്നു എന്നതാണ് ഇതിന്റെ പ്രത്യാഘാതം.  

സംസ്ക്കാരത്തിന്റെ അടയാളങ്ങള്‍ 

          നമ്മുടെ സംസ്ക്കാരത്തെ അടയാളപ്പെടുത്തുന്ന താഴെ പറയുന്ന കാര്യങ്ങളില്‍ നാം എന്ത് നിലപാട് സ്വീകരിക്കുന്നു എന്നതിനെ ആശ്രയിച്ചയിരിക്കും നിങ്ങളെ വിലയിരുത്തുക.മാത്രകാ വ്യക്തിത്വങ്ങളെ അനുകരിക്കുന്നില്ലെങ്കില്‍ നാം എത്തിപ്പെടുന്ന സംസ്ക്കാര ശൂന്യത എന്തെന്ന് നോക്കാം     

ശുചിത്വം:- മലിന വസ്തുക്കള്‍ എന്തൊക്കെ? മല മൂത്ര വിസര്‍ജ്ജനം എവിടെ നടത്തണം? എവിടെ നടത്തരുത്?  വൃത്തിയാക്കെണ്ടതുണ്ടോ? എങ്കില്‍ എങ്ങിനെ ? എന്ത് ഉപയോഗിക്കണം? ശരീരത്തില്‍ വൃത്തിയാക്കേണ്ട ഭാഗങ്ങള്‍ ഏതൊക്കെ?  കിളിക്കേണ്ടത് എങ്ങിനെ? ഏതു രൂപത്തില്‍ ? നിര്‍ബന്ധമായ അവസരങ്ങള്‍ എപ്പോള്‍? കോട്ടുവായ, തുമ്മല്‍ ഉണ്ടായാല്‍ എന്ത് ചെയ്യണം?ദന്ത ശുദ്ധി എങ്ങിനെ ?മുടി നഖം എന്നിവ വെട്ടേണ്ടതുണ്ടോ ?  .ആര്‍ത്തവതിന്റെ നിയമമെന്തു?

              ഈ ചോദ്യങ്ങള്‍ക്ക്  നമ്മുടെ സമൂഹം നല്‍കുന്ന പൊതുവായ ഉത്തരങ്ങള്‍  ഇങ്ങനെ - മലിന വസ്തുക്കള്‍ എന്തെന്നതിന്നു കൃത്യമായ അറിവ് നമുക്കില്ല.മൂത്രം മാലിന്ന്യമായി പൊതുവ ആരും കണക്കകാറില്ല.വസ്ത്രങ്ങളില്‍ പറ്റിയാല്‍ വൃത്തിയാക്കാറുമില്ല. വഴിവക്കിലോ വൃക്ഷച്ചുവട്ടിലോ,കുളങ്ങളിലോ,കായലുകളിലോ മല മൂത്ര വിസര്‍ജ്ജനം നടത്തുന്നു. ചില സമൂഹങ്ങള്‍ പേപ്പേര്‍ ഉപയോഗിച്ചു വൃത്തിയാക്കുന്നു. മുന്തിയ ടൈല്‍സ് ഇട്ട കുളി മുറികളില്‍ സാധാരണ ചെരുപ്പ് ഉപയോഗിക്കാറില്ല. ചിലര്‍ കുളിക്കുന്നത് തോര്‍ത്തില്‍ വെള്ളം മുക്കിപ്പിഴിഞ്ഞു ശരീരത്തില്‍  ഉരച്ചുകൊണ്ടാണ്.ജോലിയുമായോ വിശ്വാസവുമായോ ബന്ധപ്പെട്ടു കുളിക്കും,നിര്‍ബന്ധ സമയങ്ങളില്ല. ഇപ്പോഴും പല്ല് തേക്കാതെ ഭക്ഷണം കഴിക്കുകയും ജോലിക്ക് പോവുകയും ചെയ്യുന്ന ആളുകളെ എനിക്ക് അറിയാം. ആര്‍ത്തവ സമയത്ത് വീട്ടില്‍ നിന്നും സ്ത്രീകളെ പുറത്താക്കുകയും ഭക്ഷണം വീടിന്നു പുറത്തു വെച്ച്  കൊടുക്കുകയും ചെയ്യുന്ന സമൂഹങ്ങളുണ്ട്. ആര്‍ത്തവ സമയത്ത് ലൈംഗീക ബന്ധത്തില്‍ ഏര്‍പ്പെടുന്നവരും ഉണ്ട്.               

ഭക്ഷണം:- ഏതൊക്കെ ഭക്ഷണം കഴിക്കാം? ഏതു  കഴിക്കരുത്?ഏതു കൈകൊണ്ടു?മലിന  ഭക്ഷണങ്ങള്‍ എന്തൊക്കെ ? പാമ്പ്‌, പട്ടി,പന്നി, പൂച്ച തുടങ്ങി പാറ്റകള്‍,പുഴുക്കള്‍ മുതല്‍ രക്തം വരെ ഭക്ഷണമായി ഉപയോഗികുന്നവരെ പല സമൂഹങ്ങളില്‍ കാണാം.കൈ കഴുകാതെ ഭക്ഷണം കഴിക്കുന്നവരും, കഴിച്ച കൈകൊണ്ടു തന്നെ വെള്ളം നിറച്ച ഗ്ലാസ് പിടിക്കുന്നവരുണ്ട്.വാരി വലിച്ചു മ്രഷ്ടാനം കഴിക്കുന്നവരും,മദ്യം പാനീയമായി ഉപയോഗിക്കുന്നവരും ഉണ്ട്.        

വസ്ത്രം:- എന്താണ് നഗ്നത ? വസ്ത്രം നമുക്ക് തോന്നിയത് പോലെ ധരിക്കാമോ? ഏതൊക്കെ ഭാഗങ്ങളാണ് മറക്കേണ്ടത്‌ ?ഏതൊക്കെ വെളിവാക്കാം?നഗ്നത വെളിവാക്കുന്ന വസ്ത്രങ്ങള്‍ പൊതുവേ പാശ്ചാത്യ സംസക്കാരത്തിന്റെ ഭാഗമാണ്.

        

അഭിവാദ്യങ്ങള്‍:-നാം ഏതു രീതിയിലാണ് ആളുകളോട് അഭിവാദ്യം ചെയ്യേണ്ടത്.?ഓരോ കാലത്തും അവരുടെ ഇഷ്ടമനുസരിച്ച് മതിയോ ? പല രീതിയില്‍ എന്ത് കൊണ്ട്? പരീക്ഷയ്ക്ക് തോറ്റ കുട്ടിയോടും,വീട്ടില്‍ പിതാവ് മരിച്ചു കിടക്കുമ്പോഴും,ഭര്‍ത്താവ് ആശുപത്രിക്കിടക്കയില്‍ വേദന തിന്നു മരിക്കുമ്പോഴും "ഗുഡ് മോര്‍ണിംഗ് "  എന്ന് പറയുന്നതില്‍ എന്തോ കൊഴപ്പമില്ലേ?   

വിവാഹം :- വിവാഹം അനുവദനീയമായി കാണുന്ന സമൂഹങ്ങള്‍ തന്നെ വിവാഹത്തിന് പുറമേയുള്ള  ബന്ധങ്ങളും അനുവദനീയമായി കാണുന്നത് എന്ത്കൊണ്ട്? സാമൂഹത്തില്‍ എന്ത് കൊണ്ട് ഈ വൈരുധ്യം ഉണ്ടായി? ഉത്തരം വളരെ ലളിതം ഒരു സമ്പൂര്‍ണ്ണ മാത്രകാ വ്യക്തിത്വത്തിന്റെ ആവശ്യകത അവര്‍ ജീവിതത്തില്‍ സ്വീകരിക്കുന്നില്ല എന്നതാണ് അത്.    
     

മാതൃക വ്യക്തിത്വത്തിന്റെ ആവശ്യകത. 

     അപ്പോള്‍ നമ്മുടെ പ്രക്രതി തന്നെ ആവശ്യപ്പെടുന്നത് നാം ആരെയെങ്കിലും മാതൃകാ  വ്യക്തിത്വങ്ങളായി കണ്ടെതെണ്ടതും അവരെ അനുകരിക്കെണ്ടതും ആകുന്നു   എന്നാണ്. മാതൃകാ  വ്യക്തിത്വങ്ങളില്‍ പരിപൂര്‍ണരായും,അനുകരിക്കപ്പെടെണ്ടാവരായും ആരെയും  നിങ്ങള്‍ കാണുന്നുല്ലെങ്കില്‍ അതിനര്‍ത്ഥം അങ്ങിനെയുള്ള വ്യക്തിത്വങ്ങള്‍ ഇല്ല എന്നാണോ? അപ്പോള്‍ നാം ചരിത്രത്തിലേക്ക് നാം ഒരു എത്തി നോട്ടം നടത്തേണ്ടതുണ്ട്. ആരെങ്കിലും അങ്ങിനെ ചരിത്രത്തില്‍ ഉണ്ടോ? നിങ്ങള്‍ ഓരോരുത്തരും അന്വേഷിക്കേണ്ടതാണ് .സദ്ഗുണ സമ്പന്നരായും അനുകരിക്കപ്പെടെണ്ട അനുപമ വ്യക്തിത്വങ്ങളായും  നിങ്ങള്‍ക്ക് പ്രവാചകന്മാരെ മാത്രമേ കണ്ടെത്താനാകൂ. അതിനാല്‍ അവരെ നമുക്ക് തീര്‍ച്ചയായും മാതൃകകളാക്കവുന്നതാണ്. എന്നും ലോകം അവരെ തന്നെയാണ് മാതൃകകളായി  കണ്ടതും.അത് കൊണ്ടാണ് മതങ്ങള്‍ ഇന്നും ലോകത്ത് സജീവ സാന്നിധ്യമായി നിലനില്‍ക്കുന്നത് .ഇതില്‍ ചരിത്രത്തില്‍ മുഴുവനായും രേഖപ്പെടുത്തിയതും നമുക്ക് കയ്യെത്തും ദൂരത്തു നില്‍ക്കുന്ന ഒരു ഉജ്വല വ്യക്തിത്വമാണ് പ്രവാചകാനായ മുഹമ്മദ്‌ നബി(സ). നിങ്ങള്‍ നിങ്ങളുടെ പഠനം എത്ര തന്നെ മുന്നോട്ടു കൊണ്ട് പോയാലും അവസാനം എത്തിച്ചേരുന്നത് അദ്ദേഹത്തില്‍ തന്നെയായിരിക്കും. ജീവിതത്തിന്റെ എല്ലാ അംശങ്ങളും അവിടെ ക്രോഡീകരിക്കപ്പെട്ടിട്ടുണ്ട്. വഴി അറിയില്ലെങ്കില്‍ അത് അറിയുന്നവരോട് ചോദിക്കുക എന്നുള്ളത് ഒരു ശാസ്ത്രീയ രീതിയാണ്. വണ്ടി ഓടിച്ചു കൊണ്ടിരിക്കെ വഴി അടയാളങ്ങള്‍ (വഴി സൂചകങ്ങള്‍) നോക്കിക്കൊണ്ട്‌ പോകുക എന്നത് ഒരു അപമാനമായി ആരും കരുതാറില്ല. വഴി വിളക്കുകളില്‍  നിന്ന് ലഭിക്കുന്ന വെളിച്ചം കൂരിരുട്ടില്‍ നമുക്ക് കാഴ്ച നല്‍കുന്നു. ഇരുട്ടില്‍ ടോര്‍ച്ചു ഉപയോഗിക്കുക എന്നത് ലജ്ജിക്കേണ്ട കാര്യമായി നാം ആരും കണക്കാക്കാറില്ലല്ലോ. ഇപ്പോള്‍ നമ്മുടെ സമൂഹത്തില്‍ നിലനില്‍ക്കുന്ന ഏതു നന്മയുടെയും അടിസ്ഥാനം മുന്‍ കഴിഞ്ഞ പ്രവാചകന്മാരും,ഋഷിമാരും,പുണ്യപുരുഷന്മാരും തെളിച്ച വെളിച്ചത്തിന്റെ അംശമാണെന്ന് കാണാം.

മുഹമ്മദ്‌ നബി(സ):- സമ്പൂര്‍ണ്ണ  മാതൃകാ വ്യക്തിത്വം     

     മുകളില്‍ പറഞ്ഞ വിഷയങ്ങളില്‍ മുഹമ്മദ്‌ നബി നല്‍കിയ നിര്‍ദ്ദേശങ്ങള്‍ എ ന്തൊക്കെയാണെന്നു പരിശോധിക്കാം. 

                മാലിന്യങ്ങള്‍ എന്താണെന്നു കൃത്യമായി വിവരിച്ചു.രക്തം, ചലം മൂത്രം, മലം തുടങ്ങിയവ മാലിന്യങ്ങളാണ്.ഇവ വെള്ളം ഉപയോഗിച്ചു വൃത്തിയാക്കെണ്ടാതാണ്. മല-മൂത്ര വിസര്‍ജ്ജനം ആളൊഴിഞ്ഞ സ്ഥലത്തോ മറക്കുള്ളിലോ  ആയിരിക്കണം,മാളങ്ങളിലും കെട്ടിനില്‍ക്കുന്ന വെള്ളത്തിലും വൃക്ഷ ചുവട്ടിലും ജനങ്ങള്‍ സഞ്ചരിക്കുന്ന വഴിവക്കിലും  വിസര്‍ജ്ജനം അരുത്.ചെരുപ്പ് ധരിക്കാന്‍ കല്പിച്ചു. വൃത്തികെട്ട വസ്തുക്കള്‍ എടുക്കാനും, ശുചീകരണം നടത്താനും  ഇടതു കൈ ഉപയോഗിക്കണം.ഭാര്യ സംസര്‍ഗ്ഗം,സഖലനം തുടങ്ങിയ ഉണ്ടായാല്‍ കുളിച്ചു ശുദ്ധിയാകേണ്ടതുണ്ട്.അതുപോലെ സ്ത്രീകള്‍ക്കു ആര്‍ത്തവം,പ്രസവാനന്തര ശേഷവും കുളി നിര്‍ബന്ധമാണ്‌. കുളിയില്‍ ആദ്യം കൈരണ്ടും കഴുകുക,പിന്നെ ഗുഹ്യഭാഗങ്ങള്‍ കഴുകുക, അംഗസ്നാനം(വുളു)ചെയ്യുക, കൈവിരല്‍ നനച്ചു മുടികള്‍ക്കിടയിലെ ജട നീക്കുക. തലയില്‍ മൂന്നു പ്രാവശ്യം വെള്ളം കോരി ഒഴിക്കുക.പിന്നെ ശരീരം മുഴുവനും വെള്ളം ഒഴിച്ച് കഴുകുക  എന്നതാണ് നബിയുടെ പൊതുവേയുള്ള കുളിയുടെ രീതി. ആര്‍ത്തവ സമയത്ത് ലൈംഗീക ബന്ധമൊഴിച്ചു എല്ലാ ഇടപാടുകളിലും അവര്‍ക്ക് ഏര്‍പ്പെടാം.  പ്രവാചകന്‍ വീട്ടില്‍ കയറിയാല്‍ ആദ്യം ചെയ്തകാര്യം ദന്ത ശുദ്ധീകരണമാണ്.രാത്രിയിലോ പകലോ ഉറങ്ങിയെഴുന്നെറ്റാല്‍  പല്ല് തേക്കുക എന്നത് ശീലമാക്കിയിരുന്നു.ആയിഷ പറയുന്നു  "പത്തു കാര്യങ്ങള്‍ പ്രവാചകന്മാരുടെ ചര്യയില്‍ പെട്ടതാണ്.മീശ വെട്ടുക,താടി വളര്‍ത്തുക,ബ്രഷു ചെയ്യുക ,മൂക്കില്‍ വെള്ളം കയറ്റി കഴുകുക,വായ കഴുകുക,നഖം വെട്ടുക ,വിരല്‍ മടക്കുകള്‍ കഴുകുക,കക്ഷം പറിക്കുക(വൃത്തിയാക്കുക),ഗുഹ്യ ഭാഗത്തെ രോമങ്ങള്‍ കളയുക,ഷൌച്യം ചെയ്യുക തുടങ്ങിയവയാണത്".                                         

           മ്രഗങ്ങളെ അറുത്തു  ഭക്ഷിക്കേണ്ടതാണ് .രക്തം ഒഴുക്കികളയുക എന്നത്  നിര്‍ബന്ധമാണ്‌ .ശവം(മല്‍ത്സ്യം ഒഴികെ),രക്തം,പന്നിയിറച്ചി,ദൈവേതര നാമത്തില്‍ അറുത്തത്,  ഞെരിച്ചു കൊന്നത്, ശ്വാസം മുട്ടിച്ചു കൊന്നത്,തല്ലികൊന്നത്,വീണു ചത്തത്,തമ്മില്‍ കുത്തി ചത്തത്,വന്യ മ്രഗം കടിച്ചു തിന്നിട്ടത് എന്നിവ അനുവദനീയമല്ല(അല്‍ മാഇദ :3 ).തുടങ്ങിയവ ഭക്ഷിക്കരുത്.അതുപോലെ വളര്‍ത്തുകഴുത,നഖമുള്ള പക്ഷികള്‍ ,തേറ്റ മ്രഗങ്ങള്‍ തുടങ്ങിയവയുടെ മാംസം നിരുല്സാഹപ്പെടുതിയിട്ടുണ്ട്. കൈകഴുകുക, വലതുകൈ കൊണ്ട് കഴിക്കുക എന്നത് നല്ല ശീലത്തിന്റെ അടയാളമാണ്  .വാരിവലിച്ചു കഴിക്കരുത്.വയറിനെ ഭക്ഷണം,വെള്ളം,വായു എന്നീ മൂന്നു കാര്യങ്ങള്‍ക്കായ് വീതിച്ചു വെക്കണം.ലഹരി പാനീയങ്ങള്‍ ഉപയോഗിക്കരുത്. പാത്രത്തില്‍ ശ്വസിക്കുന്നതും ഊതുന്നതും നബി വിലക്കി. 

            എന്താണ് നഗ്നത എന്നു വിശദീകരിച്ചു.പുരുഷന്റെ നഗ്നത എന്നത് അവന്റെ കാല്‍ മുട്ടിന്റെയും പൊക്കിളിന്റെയും ഇടയിലെ ഭാഗങ്ങളാണ്. സ്ത്രീയുടേതു മുഖവും മുന്‍ കയ്യും ഒഴിച്ചുള്ള എല്ലാ ഭാഗവും.ജനങ്ങളുമായി ഇടപെടുമ്പോള്‍ അവര്‍ ഈ ഭാഗങ്ങള്‍ മറച്ചിരിക്കണം.ഈ അറിവ് ഇല്ലാത്തതിനാലും,ആരെയും ജീവിതത്തില്‍ മാത്രകയായ് സ്വീകരിക്കാതതിന്റെയും ദുരന്ത ഫലമാണ് നാം ഇപ്പോള്‍ അനുഭവിക്കുന്നത്. അര്‍ദ്ധ നഗ്നയായോ വസ്ത്രമുരിഞ്ഞോ നടക്കുന്നത് സംസ്ക്കാരമായി കൊണ്ട് നടക്കേണ്ടി വരുന്നത് അതിനാലാണ്.അത് പോലെ പുരുഷന്‍ പട്ട്,സ്വര്‍ണ്ണം എന്നിവ ധരിക്കുന്നത് നിരോധിച്ചിരിക്കുന്നു.

         അഭിവാദ്യ രീതിയായ് സലാം (ദൈവത്തിന്റെ രക്ഷയുണ്ടാവട്ടെ)എന്ന വാക്ക് പഠിപ്പിച്ചു.ഇതു ഏതു അവസരത്തിലും ആരോടും പറയാവുന്ന ഒന്നാണ്.ഹസ്ത ദാനം, ആലിംഗനം,നെറ്റിയില്‍ ചുംബിക്കുക തുടങ്ങിയവ അഭിവാദ്യ മര്യാദകളാണ്.എന്നാല്‍ പാശ്ചാത്യരെ പോലെ ഈ കാര്യങ്ങളൊക്കെ പര സ്ത്രീകളോടോ,മറ്റുള്ളവരുടെ ഭാര്യമാരോടോ ചെയ്യുന്നത് സാംസ്ക്കാര ശൂന്യത തന്നെ.

          

      പൊതുവേ മതങ്ങളെ കുറിച്ചുള്ള നമ്മുടെ ധാരണ ആധ്യാത്മികതയുടെ വഴി എന്നാണ്. സന്ന്യാസവും വിരക്തിയുമാണ് ദൈവത്തിലേക് അടുക്കാനുള്ള മാര്‍ഗ്ഗം.പക്ഷെ എന്തോ ഒരു വൈരുധ്യമെന്ന നിലക്ക് എല്ലാ മത സമൂഹങ്ങളിലും വിവാഹം എന്ന ഒരു കര്‍മ്മം നിലനില്‍ക്കുന്നു.ഇതില്‍ നിന്നും സന്ന്യാസം, ബ്രഹ്മചര്യം  പോലെയുള്ളവ പിന്നീട് കൂട്ടിച്ചേര്‍ത്തതാണെന്ന്   മനസ്സിലാക്കാം. അപ്പോള്‍ വിവാഹത്തിലൂടെ മാത്രമേ സ്ത്രീ പുരുഷ ബന്ധം ഉണ്ടാകാന്‍ പാടുള്ളൂ. ,വിവാഹ പൂര്‍വ്വമോ  വിവാഹ ശേഷമോ ഉള്ള  പരസ്ത്രീ, പരപുരുഷ ബന്ധം നിരോധിച്ചിരിക്കുന്നു.വിവാഹം വളരെ ലളിതവും സുതാര്യവും ആയിരിക്കണം.സ്ത്രീയുടെയും പുരുഷന്റെയും ജീവിത നട്ടെല്ല് പൊട്ടുന്ന രീതിയിലുള്ള ഭാരമാകരുത് എന്ന് അര്‍ഥം.

          ദൈര്‍ഘ്യ ഭയം മൂലം  വിശദീകരണം ഒഴിവാക്കുന്നു. കൂടുതല്‍ പഠിക്കാനാഗ്രഹിക്കുന്നവര്‍ തല്സംബന്ധമായി ചിന്തിക്കട്ടെ. 

   -ആബിദ് അലി ടി എം പടന്ന

സര്‍വ്വ സ്വതന്ത്രവാദവും മനുഷ്യ സ്വാതന്ത്രത്തിന്റെ പരിമിതിയും

                                                                                  -ആബിദ് അലി ടി.എം പടന്ന

            സര്‍വ്വ സ്വതന്ത്രവാദിയായി ആരും തന്നെ  ഈ ഭൂമിയില്‍  ജനിച്ചു വീഴുന്നില്ല .പക്ഷെ മനുഷ്യന്‍ പരിപൂര്‍ണ്ണ സ്വതന്ത്രം ഇചിക്കുന്നു.എന്ന് വെച്ചാല്‍ അവന്‍ സര്‍വ്വ സ്വതന്ത്രനാവാന്‍ ആഗ്രഹിക്കുന്നു.അതിന്നു വേണ്ടി അവന്‍ വാദിക്കുന്നു. നിയമങ്ങളുടെ കെട്ടുപാടുകള്‍ ,നിയന്ത്രണങ്ങളുടെ ഭാരങ്ങള്‍  അവന്‍ ഇഷ്ടപ്പെടുന്നില്ല എന്നാണ്  അവന്റെ ഇതുവരെയുള്ള ചരിത്രം നമ്മോടു പറയുന്നത്.കുടുംബങ്ങളുമായുള്ള കെട്ടുപാടുകള്‍ , മാതാ- പിതാകളുടെ നിയന്ത്രണങ്ങള്‍ മുതല്‍ രാഷ്ട്രം അവരുടെ ജനങ്ങള്‍ക്ക്‌ വേണ്ടി നിര്‍മിക്കുന്ന സിവില്‍ ക്രിമിനല്‍ നിയമങ്ങള്‍ വരെ  ഇതില്‍ പെടും.എന്നാല്‍ കാര്യങ്ങള്‍ ഇങ്ങനെയൊക്കെ ആണെങ്കിലും മനുഷ്യന്‍  ജന്മനാ പ്രകൃതിപരമായി തന്നെ സ്വാതന്ത്രത്തിന്റെ പരിമിതികള്‍ അനുഭവിക്കുന്നവരാണ്  എന്നത് ഒരു വൈരുദ്ധ്യമായി നിലനില്‍ക്കുന്നു.ഒരു അന്വേഷണം.
ജനനം:-   നാം ഏതു ഭാഷക്കാരനായി ,ഏതു  വര്‍ണ്ണത്തില്‍ ,ഏതു വര്‍ഗ്ഗത്തില്‍,ഏതു രാജ്യത്ത്,ഏതു കാലത്ത് ജനിക്കണം എന്നത് എന്ത് കൊണ്ട് നമ്മുടെ ഇച്ചാ സ്വതന്ത്രതിന്നു പുറത്തായി.
പ്രായം:- എന്തുകൊണ്ട് നമ്മുടെ പ്രായം കൂടുന്നതിനനുസരിച്ച് ശരീരം ശോഷിക്കുന്നു? ചര്‍മ്മം ചുളിയുന്നു? നര ബാധിക്കുന്നു? നാം ഇഷ്ടപ്പെടാതെ രോഗങ്ങള്‍ക്കും അപകടങ്ങള്‍ക്കും അടിപ്പെടുന്നു?ക്ഷണിക്കാത്ത അഥിതിയായി മരണം വന്നെത്തുന്നത് എന്ത് കൊണ്ട്? നമ്മുടെ സ്വതന്ത്രതിന്നു ഇവകളെ പിടിച്ചു കെട്ടാനവാത്തതെന്തു?
ശരീരത്തിന്റെ ആഗ്രഹ വികാരങ്ങളുടെ പരിമിതി :-

              വിശപ്പ്‌ ഇല്ലാത്ത ആരും ഉണ്ടാകില്ല,അതിശക്തമായ വിശപ്പുള്ളപ്പോള്‍ നാം മേശക്കു പുറത്തു  വെച്ചിരിക്കുന്ന സകലതും തിന്നാന്‍ ആഗ്രഹിക്കുന്നു .പക്ഷെ ഒരു ചാണ്‍ വയര്‍ നിറക്കാന്‍ വളരെ കുറഞ്ഞ ഭക്ഷണം മതി എന്നതാണ് സത്യം.ദാഹവും അത് പോലെ തന്നെ.കാമവും തഥൈവ. ലൈംഗീക സുഖം ആഗ്രഹിക്കാത്തവരായി ആരുണ്ട്‌? പക്ഷെ ഒരു നേരം എത്രപ്രാവശ്യം അവന്നു തന്റെ ആഗ്രഹം പൂര്‍ത്തീകരിക്കാന്‍ കഴിയും? വളരെ പരിമിതം മാത്രം.എന്തുകൊണ്ട് അനന്തമായ ആഗ്രഹങ്ങള്‍ പരിമിതമായ ലഭ്യത കൊണ്ട് പൂര്‍ത്തീകരിക്കപെടുന്നു? സ്വന്തം ഇച്ചകള്‍ക്ക് തന്നെ പരിധികളുള്ള മനുഷ്യന്‍  തന്നെ ആരും നിയന്ത്രിക്കേണ്ടതില്ല എന്ന് പറയുന്നത് എത്ര വിഡ്ഢിത്തമാണ്.                  

ചിന്ത:- പരിമിതിയില്ലാത്ത ഒന്നായാണ് നാം ചിന്തയെ കാണുന്നത്.പക്ഷെ അതിന്നും പരിമിതിയുണ്ട് എന്നതാണ് സത്യം.ഒരു നേരം നമുക്ക് ഒന്നില്‍ കൂടുതല്‍ കാര്യങ്ങള്‍ ചിന്തിക്കുക സാധ്യമല്ല.തൊട്ടുമുമ്പുള്ള ചിന്തയെ അല്‍പനേരത്തേക്കു ചിന്താമണ്ഡലത്തില്‍ നിന്നും മാറ്റി നിര്‍ത്താതെ.

അറിവ് :-എന്ത്കൊണ്ട് നാം പൂര്‍ണ്ണ അറിവുള്ളവരായി പിറക്കുന്നില്ല?ഇതിലൊക്കെ ഉപാധികളും നിയന്ത്രണങ്ങളും ഉണ്ടെന്നു സമ്മതിക്കുന്ന നാം പിന്നെ ജീവിതത്തില്‍ മാത്രം അത് വേണ്ട എന്ന് പറയുന്നത് അര്‍ത്ഥശൂന്യമല്ലേ?     

ചൂട്:- ചെരുപ്പഴിച്ചു വെച്ച് ചുട്ടുപൊള്ളുന്ന മണലിലൂടെ ഒന്ന് നടന്നു നോക്കൂ.തലച്ചോറ് പോലും തിളച്ചു മറിയുന്നതായി നിങ്ങള്‍ക്ക് അനുഭവപ്പെടും.നാം മനുഷ്യരല്ലേ,നാം ജീവ പരിണാമത്തിന്റെ അവസാന കണ്ണിയായ വികസിത ജീവിയല്ലേ.നമുക്ക് ഇങ്ങനെയൊക്കെ ഉണ്ടാവാന്‍ പാടുണ്ടോ?മില്ല്യന്‍ കണക്കിനു വര്‍ഷങ്ങള്‍  കാല്‍ പൊള്ളലേറ്റ് കൊണ്ടിരുന്നാല്‍  പിന്നെ ഇപ്പോള്‍ ഈ നൂറ്റാണ്ടില്‍ നമ്മുടെ കാല്‍ പൊള്ളാന്‍ പാടുണ്ടോ?   എന്ത് കൊണ്ട് നമ്മുടെ ചര്‍മ്മത്തിനു പരിമിതികള്‍ ഉണ്ടായി?  

തണുപ്പ് :-ഐസ് എടുത്തു  നമുക്ക് എത്രനേരം പിടിച്ചിരിക്കാന്‍ പറ്റും? ചര്‍മ്മത്തിനു എന്ത് കൊണ്ട് അതിനെ പ്രതിരോധിക്കാന്‍ ആവുന്നില്ല.   

കാഴ്ച:-നമ്മുടെ മുന്നിലൂടെ കടന്നു പോകുന്ന റേഡിയോ ടെലിവിഷന്‍ സിഗ്നലുകള്‍ നാം കാണാത്തത് എന്തേ? മൊബൈല്‍ റഡാര്‍ തരംഗങ്ങള്‍ നമ്മുടെ കണ്ണിന്റെ പരിധിക്കു പുറത്തായത് എന്ത് കൊണ്ട്?   

കേള്‍വി :- 20  Hz നു  താഴെയും 20000  Hz നു  മുകളിനും  ഉള്ള ശബ്ദ തരംഗങ്ങള്‍ എന്ത് കൊണ്ട് നാം കേള്‍ക്കുന്നില്ല.അള്‍ട്ര സോണിക് ,ഇന്ഫ്രാ സോണിക് ശബ്ദങ്ങള്‍ ചില മ്രഗങ്ങള്‍ക്ക് കേള്‍ക്കാനുകുന്നു.ഇവിടെയും പരിണാമ ശ്രേണിയുടെ പ്രശ്നം വരുന്നു.അതിനാല്‍ പരിമിതികള്‍ക്ക്‌ പരിധിയില്ല  എന്ന് നാം തിരിച്ചറിയുന്നു.

  

     നമ്മുടെ  പ്രകൃതി തന്നെ  ആവശ്യപ്പെടുന്നത് നിയമങ്ങളും ചട്ടങ്ങളും നമുക്ക് വേണമെന്നാണ്.പക്ഷെ പ്രസക്തമായ ചോദ്യം അത്  ആര് നമുക്ക്  നിര്‍മ്മിച്ച്‌ തരും  എന്നതാണ്.

മനുഷ്യാസ്തിത്വം - ഇസ്ലാം ചുരുളഴിക്കുന്നു.

                                                            - ആബിദലി ടി.എം. പടന്ന

          മനുഷ്യനോളം പഴക്കമുണ്ട് മനുഷ്യാസ്തിത്വം എന്ന വിഷയത്തിന്ന്.ആധുനിക ശാസ്ത്രത്തിനു പോലും ക്യത്യമായി വിശദീകരണം നല്‍കാന്‍ കഴിയാത്ത ഈ വിഷയത്തെ മനുഷ്യ സ്യഷ്ടാവ് തന്നെ ചുരുളഴിച്ചിരിക്കുന്നു.ഒരന്വേഷണം.

മനുഷ്യൻ ജന്മനാ മൂന്നു അവസ്ഥകൾ ഉൾക്കൊള്ളുന്നു.
    1.ശരീരം(ജിസം):
         ശരീര പ്രധാനമായ ജഡ്ഡം. വിശപ്പ്,ദാഹം,കാമം തുടങ്ങിയവ അതിന്റെ ആവശ്യങ്ങളാണ്.
    2.ആത്മാവ്/മനസ്സ്(നഫ്സ്):
      ആത്മപ്രധാനമായ മനസ്സ്. ഉറങ്ങുമ്പോൾ നിങ്ങൾക്ക് എന്താണോ നഷ്ടമാകുന്നത്.അതാണ് നഫ്സ്. ദയ,കാരുണ്യം,കുശുമ്പ്,അസൂയ,അഹങ്കാരം,ആർത്തി തുടങ്ങിയ നന്മ-തിന്മകളുടെ മിശ്രിതം ഇതില്‍ കാണാം. 
     "ആത്മാവും അതിനെ ക്രമപ്പെടുത്തിയതും സാക്ഷി ,അങ്ങിനെ അതിന്നു ധര്‍മ ത്തെയും അധര്‍മ്മത്തെയും സംബന്ധിച്ച ബോധം നല്കിയതും "(അശ്ശംസ് :7 ,8 )   

    3. ദിവ്യ/ജീവ ചൈതന്യം(ജീവന്‍/രൂഹ്):
       മരണമടയുമ്പോള്‍ നമുക്ക് നഷ്ടമാകുന്നത്. റൂഹിനെ കുറിച്ച് നമുക്ക് അല്പം മാത്രമേ അറിവ് നൽകിയിട്ടുള്ളൂ(17:85).ആദമിലേക്കും,ഈസയിലേക്കും ഊതിയത്. ജീവചൈതന്യമെന്നും നമുക്ക് വിളിക്കാം. ഇത് ചിലപ്പോൾ കോശത്തിനകത്തെ ജീവദ്രവ്യമാകാം(Cytoplasm).

നഫ്സ്

                 താങ്കളുടെ  ശരീരത്തിന്റെ അതേ വലുപ്പത്തിൽ, അതേ രൂപത്തിൽ ഒരാൾ താങ്കളുടെ അടുത്ത് നിൽക്കുന്നു എന്ന് സങ്കൽപ്പിക്കുക.അത് താങ്കളുടെ നഫ്സാണ്. നല്ല ഒരു കാർ.പക്ഷെ ഡ്രൈവർ മദ്യപിച്ചാണു ഓടിക്കുന്നതെങ്കിൽ !!. നിങ്ങളുടെ ശരീരമാകുന്ന വണ്ടിയിലെ ഡ്രൈവറാകുന്നു നഫ്സ്. അവൻ പിഴച്ചാൽ എല്ലാം പിഴച്ചത് തന്നെ.

          

              മനസ്സ് ആത്മാവിന്റെ കേന്ദ്രമാകുന്നു.ശരീരത്തിൽ ഹൃദയത്തിന്നു എന്ത് സ്ഥാനമാണോ ഉള്ളത് , അതേ സ്ഥാനമാണ് മനസ്സിന്നു ആത്മാവിലുമുള്ളത്. അതിനാൽ നഫ്സിനെ നമുക്ക് ചിലപ്പോൾ മനസ്സ് എന്നു അർത്ഥം പറയാം.

നഫ്സ് മൂന്ന് വിധം

            1.നഫ്സുൽ അമ്മാറ:- 
       “ഇന്നന്നഫ്സ ലി അമ്മാറത്തി സ്സൂഅ”(യൂസുഫ് :53 ) തീർച്ചയായും നഫ്സ് തിന്മയെ പ്രേരിപ്പിക്കുന്നത് തന്നെ. ഈ വശത്തിലൂടെയാണ് പിശാച് മനുഷ്യനെ തെറ്റിലേക്കു പ്രേരിപ്പിക്കുന്നത്. തൌഹീദ്-റിസാലത്ത്-ആഖിറത്ത് എന്ന ആയുധം കൊണ്ട് മാത്രമേ പിശാചിനെ തറപറ്റിക്കാൻ കഴിയൂ.

            2.നഫ്സുൽ ലവ്വാമ :-
        കുറ്റപ്പെടുത്തുന്ന മനസ്സ് (മനസ്സാക്ഷി)-ചിലപ്പോൾ നാം സ്വയം നമ്മുടെ മനസ്സിനോട് സം‍വദിക്കാറില്ലേ? അത് ലവ്വാമയിലിള്ള സംഭാഷണമാണ്.തെറ്റ് ചെയ്താൽ നാം സ്വയം തന്നെ കുറ്റപ്പെടുത്താറില്ലേ?

            3.നഫ്സുൽമുത് മഇന്ന:-
           "ആഗ്രഹം പൂർത്തീകരിച്ചത്“എന്നർത്ഥം.ദൈവ സ്നേഹം,ദൈവാനുസരണം,പരലോക ചിന്ത എന്നിവയ്ക്ക് സമ്പൂർണ്ണാധിപത്യമുള്ള സ്വയം സംസ്ക്കരിക്കപ്പെട്ട നഫ്സ്.

          
    ഇനി നോക്കുക,ദുഃഖം(വിഷമങ്ങൾ) വരുമ്പോൾ നാം നമ്മുടെ നെഞ്ചത്താണ് കൈ വെച്ച് തടവാറുള്ളത്.അതേ സമയം വല്ല മറവിയും സംഭവിച്ചാൽ നാം തലയിൽ കൈവെച്ചാണ് തടവാറുള്ളത്.ഇതിനർത്ഥം വികാരങ്ങളെല്ലാം ഹൃദയത്തിലാണ്.എന്നു വെച്ചാൽ ഹൃദയ ഭാഗത്തുള്ള മനസ്സിലാണ്. ബുദ്ധി-ചിന്ത എന്നിവയുടെ കേന്ദ്രം നമ്മുടെ മസ്തിഷ്ക്കത്തിലാണ്.എന്നു വെച്ചാൽ ആത്മാവിന്റെ “മസ്തിഷ്ക്കം“ എന്ന ഭാഗമാണ് അത് നിയന്ത്രിക്കുന്നത്

           മസ്തിഷ്ക്കവും ഹൃദയവും തമ്മിൽ അഭേദ്യമായ ബന്ധമുണ്ട്. രണ്ടും ആത്മാവിന്റെ ഭാഗം തന്നെ(ബാഹ്യാർത്ഥത്തിലല്ല).കമ്പ്യൂട്ടറിൽ ഹാർഡ് ഡിസ്ക്കും(സ്ഥിരം മെമ്മറി) റാമും(താത്ക്കാലിക മെമ്മറി) തമ്മിലുള്ള ബന്ധം പോലെ.

      ഇതും കൂട്ടി വായിക്കുക:

     “ആരെങ്കിലും നഫ്സിന്റെ പിശുക്കിൽ നിന്നും(സങ്കുചിതത്വം) മോചിതരായോ,അവർതന്നെയാണ് വിജയികൾ“(59:9)

     “ആത്മാവിനെ(നഫ്സ്നെ) ശരീരേച്ഛകളിൽ(ഹവ) നിന്നും വിലക്കുക”(79:40)

ഹൃദയം

ഹൃദയത്തിനെ ഖുർആൻ 3 വാക്കുകളിൽ വിശേഷിപ്പിച്ചിരിക്കുന്നു താഴെ ചില സൂചനകൾ മാത്രം.

1.ഖൽബ്:- 
             രോഗമുള്ള(മര്‍ള്) ഖൽബ്(2 :10)
                പൂര്‍ണ്ണമായ(മുനീബ്)  ഖൽബ്(50:33)
                കുറ്റമറ്റ(സലിം) ഖൽബ്(50:33)
             മുദ്രയടിച്ച(ത്വബഅ) ഖൽബ് (7:101)
             കറപറ്റിയ(റാന ) ഖൽബ്(83:14)
             അശ്രദ്ധമായ(ലാഹിയ) ഖൽബ്(21:3)

2.ഫുആദ്:-
             “ഖുതമയിൽ കത്തിച്ച് കളയുന്ന ഹൃദയ വികാരങ്ങൾ“(ഹുമസ)
             ഹൃദയ ചിന്തകള്‍ ചോദ്യം ചെയ്യപ്പെടും(17:32)
                ഹൃദയ്ത്തിൽ തറക്കുന്ന കാഴ്ച്ച(നജ്മ് :11)

3.സദർ:- 
             വിശാല ഹൃദയം (20:20)
             വിങ്ങുന്ന ഹൃദയം(15:97)
             അശാന്തമായ ഹൃദയം(7:2)
             പകയുള്ള ഹൃദയം(7:43)
             ഇടുങ്ങിയ ഹൃദയം(6:125)

ചുരുക്കത്തിൽ ഫുആദ്, സദർ എന്നത് ഹൃദയത്തിന്റെ ചിന്തകളേയും, വികാരങ്ങളേയും പ്രതിഫലിപ്പിക്കുന്നു.

            പരമകാരുണികൻ നമുക്ക്  വെളിച്ചം നൽകുമാറാവട്ടെ!