ഉസ്താദ് ഹോട്ടല്‍ : പൊളിച്ചെഴുതുന്ന മതവും രാഷ്ട്രീയവും

-ആബിദ് അലി പടന്ന 

അഞ്ജലി മേനോന്‍ തിരക്കഥ എഴുതി ,അന്‍വര്‍ റഷീദ് സംവിധാനം ചെയ്ത ഉസ്താദ് ഹോട്ടല്‍ എന്ന ചലച്ചിത്ര ആവിഷ്ക്കാരം നമ്മുടെ പല പാരമ്പര്യ സങ്കല്‍പ്പങ്ങളെയും പൊളിച്ചെഴുതുന്നു .

1 .പരമ്പരാഗത ആര്‍ട്ട് സിനിമകളുടെ മേല്ലെപ്പോക്കിനെ തച്ചുടച്ചു നീങ്ങാന്‍  ചടുലമായ ക്യാമറ നീക്കങ്ങള്‍ക്ക്‌ സാധിക്കുന്നു .

2 .കൊമേര്‍ഷ്യല്‍ വിജയത്തിനായി മൂല്യങ്ങളെ ബാലികഴിക്കെണ്ടാതില്ല എന്ന ശക്തമായ സന്ദേശം സിനിമ നല്‍കുന്നു .

3 .തലമുറകള്‍ക്ക് പകര്‍ന്നു നല്‍കേണ്ടത് എന്താണ് എന്ന ചോദ്യത്തിന്നു സിനിമ നല്‍കുന്ന ഉത്തരം, ആര്‍ത്തിയുടെ ജീവിത ദര്‍ശനമല്ല ,കാരുണ്യത്തിന്റെ നീരോഴുക്കാണ് നാം തലമുറകള്‍ക്ക് പകരേണ്ടത് എന്നാണ് .

4 .വര്‍ഗ്ഗീയത,രക്തം ,തോക്ക് ,ബോംബ്‌ ,കത്തി ,കൊടുവാള്‍  , വിദ്വേഷം ,കലാപം തുടങ്ങിയ അധമ ചിന്തകള്‍ സമൂഹത്തിനു നല്‍കുന്നതിനു പകരം നന്മ ,കാരുണ്യം ,സഹാനുഭൂതി തുടങ്ങിയ മാനുഷിക മൂല്യങ്ങള്‍ പ്രേക്ഷകന്നു തീര്‍ച്ചയായും സിനിമ നല്‍കുന്നു .        

 5 .ആത്മീയതയും രാഷ്ട്രീയവും എന്താണ്??

 ആത്മീയതയും രാഷ്ട്രീയവും എന്താണ് എന്ന് സിനിമ വളരെ ലളിതമായി വരച്ചു കാട്ടുന്നു.സൂഫീ ധാരയുടെ പ്രതീകമായ തിലകന്റെ(കരീം കാക്ക ) കോഴിക്കോട് കടപ്പുറത്തെ സ്വന്തം ഹോട്ടലില്‍  ,തന്റെ ജീവനക്കാരായ സാധാരണകാര്‍ക്ക് ശമ്പളത്തിന്നു പുറമേ എല്ലാ മാസവും അവരുടെ മറ്റ് ജീവിത ആവശ്യങ്ങള്‍ക്കുള്ള  പണവും നല്‍കുകയും ,മധുരയിലേക്ക് എല്ലാ മാസവും അശണരര്‍ക്കും അനാഥര്‍ക്കും അന്നം നല്‍കുവാന്‍ സ്വന്തം സ്ഥാപനത്തില്‍ നിന്ന് കാശ്  കൊടുതയക്കുന്നതും നമ്മുടെ ധാരണകളെ തിരുത്തിക്കുന്നു,

ചുരുക്കി ,തന്റെ സഹജീവികളോട് നമുക്ക് തോന്നുന്ന കാരുണ്യം ആത്മീയതയാണ് ,ആ കാരുണ്യം കാശിന്റെ രൂപത്തില്‍ അന്നമായി ,വസ്ത്രമായി പാര്‍പ്പിടമായി നമ്മില്‍ നിന്ന് ആ സഹജീവികളിലേക്ക് നാം ഒഴുക്കുന്നുവെങ്കില്‍ അതാണ്‌ രാഷ്ട്രീയം.
സിനിമയുടെ ഏറ്റവും മര്‍മ്മ പ്രധാനമായ സന്ദേശം ഇതാണെന്ന് നമുക്ക് വായിക്കാം...

തിലകന്റെ മകനായ സിദ്ധീക്ക് (റസാഖ് ) മത പാശ്ചാതലമുള്ള ഒരു ഭൌതീക വാദിയുടെ പ്രതീകമാണ്.അദ്ധേഹത്തിന്റെ ആത്മീയത രാഷ്ട്രീയ ഉള്ളടക്കം ഇല്ലാത്തതാണ്.സ്വന്തം മകന്റെ(ദുല്‍ഖര്‍)   ഉന്നതിയിലൂടെ തന്റെ  സ്വാര്‍ത്ഥ  ലാഭത്തെ മാത്രമേ അയാള്‍ ജീവിത ലക്ഷ്യമായി കാണുന്നുള്ളൂ.എന്നുവെച്ചാല്‍ സ്വാര്‍ഥതയുടെ രാഷ്ട്രീയം മാത്രമേ അയാളില്‍ ഉള്ളൂ എന്നര്‍ത്ഥം. 

അതിന്റെ ചെറു ലക്ഷണങ്ങള്‍ ഉള്ള ഫൈസി(തിലകന്റെ പേര മകന്‍ ദുല്‍ഖര്‍) അവസാനം തന്റെ ഉപ്പൂപ്പാന്റെ സ്വാധീനത്താല്‍ തന്റെ ജീവിത ലക്ഷ്യത്തെ രാഷ്ട്രീയ ഉള്ളടക്കമുള്ളതായി മാറ്റുകയാണ്.
 6.മതത്തിന്റെ മൂന്നാം ധാര
മതത്തിലെ രണ്ട് സ്വാഭാവിക ധാരക്ക് പുറമേ ഒരു മൂന്നാം ധാരയെ സിനിമ അടയാള പ്പെടുത്തുന്നു.

a )സിദ്ധീഖ് പരിചയപ്പെടുത്തുന്ന സ്വാര്‍ത്ഥതയുടെ മതം :....ഉദാ :-പെണ്‍കുട്ടി ജനിക്കുമ്പോള്‍ മുഖം ചുളിക്കുകയും ,ആണ്‍കുട്ടി ജനിക്കുമ്പോള്‍ സന്തോഷിക്കുകയും ,മകനെ വെറും തന്റെ സ്വാര്‍ത്ഥ ലാഭത്തിനായി മാത്രം വളര്‍ത്തുകയും ചെയ്യുന്ന പിതാവ് .

b )ആദ്ധ്യാത്മിക മതം : വെറും ആരാധകളും ജപ മാലകളുമായി മലകളില്‍ ദൈവ ദര്‍ശനതിന്നായി തപസ്സിരിക്കുകയും സഹജീവികളെയും സമൂഹത്തെയും ശ്രദ്ധിക്കാത്ത മതത്തെ സിനിമ നിരുല്സാഹപ്പെടുതുന്നു.

c ) രാഷ്ട്രീയ-ആത്മീയ ഉള്ളടക്കമുള്ള മതം : തന്നിലുള്ള കാരുണ്യം തന്റെ സഹജീവികളിലേക്ക് ഒഴുക്കുന്ന നിഷ്കളങ്കതയുടെ ,നിസ്വാര്‍ത്ഥതയുടെ മതം.

അതാണ്‌ സമൂഹത്തില്‍ പടരേണ്ടത് എന്ന് സിനിമ ഓര്‍മിപ്പിക്കുന്നു.

7.അന്നത്തിന്റെ രാഷ്ട്രീയവും മതവും 

മനുഷ്യന്റെ ജീവിത വീക്ഷണം ,ഭക്ഷണത്തോടുള്ള അവന്റെ സമീപനത്തിലൂടെ നിങ്ങള്‍ക്ക് വായിക്കാം . 

ആഡംഭരത്തിന്റെ അടയാളമായി ഭക്ഷണത്തെ കണക്കാക്കുന്നവര്‍ തനി സ്വാര്‍ത്ഥതയെ(മുതലാളിത്തം ) തന്റെ ജീവിത മുദ്രയാക്കിയവരാണ്.

സിനിമയിലെ പെണ്ണ് കാണല്‍ ചടങ്ങ്,പഞ്ച നക്ഷത്ര ഹോട്ടലിലെ ഭക്ഷണ സമീപനം,എന്നിവ കാണുക .
അന്നം വെറും ലാഭതിന്നു വേണ്ടി മാത്രമല്ല  തന്റെ സഹ ജീവികളുടെ വയര്‍ നിറയ്ക്കാനും കൂടി നല്‍കേണ്ടതാണ് എന്ന കാരുണ്യത്തിന്റെ മതത്തെ സിനിമ പ്രോത്സാഹിപ്പിക്കുന്നു
8.മീഡിയകളുടെ ദൌത്യം

സമൂഹത്തിന്റെ     മേലാളന്മാര്‍ക്ക് വേണ്ടി കുഴലൂതുന്നതിന്നു പകരം സത്യത്തിന്റെയും നന്മയുടെയും പക്ഷത്ത് വാര്‍ത്താ മാധ്യമങ്ങള്‍ നിലയുറപ്പിക്കേണ്ടതുണ്ട് എന്ന് സിനിമ ഊന്നി പ്പറയുന്നു.
9.ആത്മീയ ശൂന്യമായ പ്രണയം 

ആര്‍ദ്രദയും കാരുണ്യവും ഇല്ലാത്ത പ്രണയം വരണ്ട മരുഭൂമി പോലെയാണ്.ഭൌതീകത ജീവിത മുഖമുദ്ര ആയപ്പോള്‍ പ്രണയം മരിച്ചു വീഴുന്നു.  
യൂറോപ്പിലെ ദുല്‍ക്കരിന്റെ പ്രണയം വെറും ലാഭതിന്നു വേണ്ടി മാത്രം കാണുന്ന മദാമ്മ ഇതിന്റെ ഉദാഹരണമാണ്.

അത് പോലെ തന്റെ ജോലിയുടെ പേരില്‍ വിവാഹ നിശ്ചയം മുടക്കിയ വധുവിന്റെ വീട്ടുകാര്‍ ആത്മീയത നഷ്ടമായ ലാഭ ക്കൊതിയന്മാരുടെ പ്രതീകമാകുന്നു.       

ഒഞ്ചിയം ചോര നെയ്യാറ്റിന്‍കരയില്‍ വിളമ്പുന്നവരോട്....

ഒഞ്ചിയത്തിന്റെ  മാനസപുത്രന്‍ ടി.പി. ചന്ദ്ര ശേഖരനെ വെട്ടിനുറുക്കിയ  കിരാതമായ ആ കൃത്യം ചെയ്ത ഓ മുഖം മൂടികളേ, 

ഇരുട്ടിന്റെ മറവില്‍ ഭീരുവായി വന്നു ചതിയില്‍ നിങ്ങള്‍ ചെയ്ത ഈ  മൃഗീയ കൃത്യം 

കേരളക്കര ഒരു കാലത്തും മറക്കില്ല........

ആരും നിങ്ങള്‍ക്ക് മാപ്പ് തരില്ല.

ചത്തത് കീചകനെങ്കില്‍ കൊന്നത് ഭീമന്‍ തന്നെയെന്നു നമുക്ക് അറിയാം....

സി പി എം ന്റെ വീര കഥകള്‍ അറിയുന്ന ആര്‍ക്കു അത്ത് നിഷേധിക്കാന്‍ കഴിയും.

ഈ രക്തക്കറകള്‍  ഏതു സോഷ്യലിസത്തിന്റെ ഏതു നദിയില്‍  മുങ്ങി കുളിച്ചാലും നിങ്ങള്‍ക്ക്  മായിച്ചു കളയാന്‍ കഴിയുമോ ?

ഈ പാപക്കറകള്‍  ഏതു പാര്‍ട്ടി ആചാര്യന്റെ മഖ്ബറയില്‍ പുണ്യ ദര്‍ശനം നടത്തിയാലും നിങ്ങള്‍ക്ക് പൊറുത്തു കിട്ടുമോ ? 

     

എന്നാല്‍ ഇതിന്റെ മറുവശം അതിലും പരിതാപകരം തന്നെ,

നെയ്യാറ്റിങ്കര ബൈ ഇലക്ഷന്‍ എന്ത് കൊണ്ട് ഉണ്ടായി ?? 

തന്നെ വോട്ടു ചെയ്തു ജയിപ്പിച്ച ജനങ്ങളെയും പാര്‍ട്ടിയെയും വഞ്ചിച്ചു ഒരു സുപ്രഭാതത്തില്‍ മറുകണ്ടം ചാടിയ 

നെറികെട്ട രാഷ്ട്രീയത്തിന്റെ പ്രതീകമല്ലേ ഈ  ശെല്‍വരാജ് .
അതല്ലേ ഈ തെരഞ്ഞെടുപ്പിന്നു കാരണം ?

ഇങ്ങനെ ചെയ്ത ഒരാളെ വെള്ളപൂശാന്‍ മറ്റൊരു നീച കൃത്യതിന്റെ ഇരയെ തന്നെ ഉപയോഗിക്കുക എന്നത് 

അത്ര വികൃതമാണ് ?
നാം ഇപ്പോള്‍ കേള്‍ക്കുന്ന ഈ  കോലാഹലങ്ങള്‍ അതല്ലെ? 

ഒരു നെറികേടിനെ തേച്ചുമായിക്കാന്‍ മറ്റൊരു നെറികേട്.

ഒരു രാഷ്ട്രീയ അധാര്‍മികത വിജയിപ്പിക്കാന്‍ മറ്റൊരു രാഷ്ട്രീയ അധര്‍മികത തന്നെ ഉപയോഗിക്കുക.

എന്തൊരു ദുര്യോഗം ? 

ഈ തരം താണ കളി ജനം തിരിച്ചറിയട്ടെ.

മുട്ടുകുത്തി ഊഞ്ഞാല്‍ ആടുന്നവര്‍ !!

നട്ടുച്ചയായാല്‍ നമ്മുടെ പ്രധാന ടിവി  ചാനലുകള്‍ നമ്മോടു പറയുന്നതാണ് ഈ വാക്യങ്ങള്‍ 

'മുട്ടുകുത്തി ഊഞ്ഞാലാടാന്‍ എന്ത് രസം?" 

"വെറും '9999' രൂപ മാത്രം "

"ഇപ്പോള്‍ തന്നെ ഓര്‍ഡര്‍ ചെയ്യൂ "

ഇവര്‍ നമ്മെ ആട്ടാന്‍ തന്നെയാണ് പരിപാടി.അതിന്നു ചൂട്ടു പിടിക്കാന്‍ കേറെ ചാനലുകാരും 

അവരെ പറഞ്ഞിട്ട് കാര്യമില്ല...പണം ...അതല്ലേ എല്ലാം .....

അപ്പോള്‍ മറ്റൊരു ചാനലില്‍ മാന്ത്രിക കല്ലുകളും, മോതിരങ്ങളും, ഏലസ്സുകളും ,രക്ഷാ നൂലുകളും 

മിന്നി മറിയുന്നുണ്ടാകും......
അത്കൊണ്ട് അവര്‍ "രക്ഷ"പ്പെടും എന്നുണ്ടെങ്കില്‍ ഈ ചാനലുകളില്‍ പ്രത്യക്ഷപ്പെട്ടു സമയം കളയേണ്ട ആവശ്യം അവര്‍ക്കുണ്ടോ?  ജനങ്ങളുടെ കാശ് ഇല്ലെങ്കില്‍ "രക്ഷ" വില്‍ക്കുന്നവര്‍ക്ക് തന്നെ രക്ഷയില്ല എന്നര്‍ത്ഥം. 

ഈ വൈരുദ്ധ്യം എന്ത് കൊണ്ട് ?

അന്ധവിശ്വാസങ്ങള്‍ കൊണ്ടുള്ള തട്ടിപ്പുകളും ചൂഷണങ്ങളും നാള്‍ക്കുനാള്‍ വര്‍ധിച്ചു വരുന്നു. 

അതിന്റെ ഇരകളെ കുറിച്ചു നമ്മുടെ ടിവി അവതാരകരും, പത്ര ലേഖകരും വാതോരാതെ സംസാരിക്കുന്നു.  

എന്നിട്ടും അവരുടെ അതെ ടിവി ചാനലിലും പത്രങ്ങളിലും എന്ത് കൊണ്ട് ഇതിനോയൊക്കെ പ്രോത്സാഹിപ്പിക്കുന്ന പരസ്യങ്ങള്‍ വരുന്നു.? ഇതു വൈരുദ്ധ്യം അല്ലേ ?

ഒന്നുകില്‍ നിങ്ങള്‍ അന്ധവിശ്വാസം പ്രചരിപ്പിച്ചു കാശുണ്ടാക്കുക.അത് നിങ്ങളെയും കൊണ്ട് പോകുന്നത് വരേയ്ക്കും. അല്ലെങ്കില്‍ ഇതു നിങ്ങള്‍ നിര്‍ത്തുക.മനുഷ്യരാശി രക്ഷപ്പെടുന്നത് വരെക്കും.  

തടി കുറയ്ക്കാന്‍ എന്ന പേരിലും, ശരീര സൌന്ദര്യം നിലനിര്‍ത്താന്‍ എന്ന പേരിലും പലതട്ടിപ്പ്  മരുന്നുകളും കമ്പോളത്തില്‍ സുലഭം,അത് കൂടാതെ ചാനല്‍കാരുടെ വക നമ്മുടെ വീട്ടിനുള്ളിലും...  

സുഹ്രത്തുക്കളെ ഞാന്‍ ചോദിക്കട്ടെ ,

ഈ തടി കൂട്ടുന്ന വസ്തുക്കളുടെ പരസ്യം നമ്മുടെ മുന്നില്‍ നിരന്തരം വിളമ്പുന്നത് ആര് ?

ഇവര്‍തന്നെ .

ചോക്കളേറ്റ് ,ഐസ്കീം,ചിപ്സുകള്‍,പിസ്സ,ബര്‍ഗര്‍,കോളകള്‍,....തുടങ്ങി സകലമാന ഹൈ ഫാറ്റ് വസ്തുക്കള്‍ രാവും പകലും നമ്മുടെ കണ്മുന്നില്‍ മിന്നി മറിച്ച് നമ്മുടെ  തലമണ്ടയില്‍ കുത്തിക്കയറ്റുന്നത്  ആര് ?

ഇവര്‍തന്നെ.       

എന്നിട്ട് ഇവര്‍ തന്നെ പറയുന്നു, നിങ്ങള്‍ തടി കുറയ്ക്കുന്ന ഈ ഉപകരണം വാങ്ങൂ ആ ഉപകരണം വാങ്ങൂ എന്നൊക്കെ.

ഇവര്‍ ആരെയാണ് വിഡ്ഢികള്‍ ആക്കുന്നത്?

മുതലാളിത്ത ജീര്‍ണ്ണത

മുതലാളിത്തം  എന്നാല്‍ പണക്കാരന്‍ എന്നല്ല അര്‍ഥം.

അത്  ഒരു ആശയമാണ്.അതൊരു തത്വമാണ്.

എല്ലാത്തിനെയും  ലാഭം ആക്കി മാറ്റുക എന്ന മനുഷ്യന്റെ സ്വാര്‍ത്ഥതയാണത്.

ഇവിടെ ലാഭം തരുന്നത് അന്ധവിശ്വാസം ആയാലും അവര്‍ക്ക് പ്രശനമല്ല.

എന്നും  മതത്തെ പുരോഹിതന്മാരുടെ ആലയില്‍ കെട്ടി ലാഭാമുണ്ടാകുക എന്നത് അതിന്റെ തന്ത്രമാണ്. 

മതത്തിലൂടെയും അന്ധവിശ്വാസതിലൂടെയും ആരെങ്കിലും  ലാഭം ഉണ്ടാക്കിയാല്‍  അതും  മുതലാളിത്തം തന്നെ.അവര്‍ മത വിശ്വാസിയോ ദൈവ വിശ്വാസിയോ ആയാലും ശരി.അവര്‍ തന്നെയാണ് ദൈവധിക്കാരികള്‍ ,അവര്‍ തന്നെയാണ് മത നിഷേധികള്‍.

ഭക്ഷണ വസ്തുക്കളെ മായങ്ങളും വിഷാംശങ്ങളും കലര്‍ത്തി അനിയത്രിതമായ വണ്ണം കൂട്ടുക....പല തരത്തിലുള്ള രോഗങ്ങള്‍ക്ക് അടിമപ്പെടുത്തുക......

ഇവിടെ ഒരു വെടിക്ക് മൂന്നു പക്ഷിയാണ് 

ഒന്ന് ഭക്ഷണത്തിലൂടെ  ലാഭം,

രണ്ട് പൊണ്ണത്തടി  കുറക്കാന്‍ നമ്മുടെ 9999 രൂപയുടെ യന്ത്രങ്ങള്‍ വില്‍ക്കാം    

മൂന്നു രോഗങ്ങള്‍ പിടി പറ്റിയാല്‍ മരുന്ന് കമ്പനി കള്‍ക്കും ലാഭം 

എങ്ങിനെയുണ്ട് ?

ഇതാണ് നമ്മുടെ  മുതലാളിത്തം മനസ്സിലായോ ?

അതെ ഇവര്‍ തന്നെയാണ് ദൈവ ധിക്കാരികള്‍,ഇവര്‍ തന്നെയാണ് സത്യനിഷേധികള്‍....  

"തീര്‍ച്ചയായും മത പണ്ഡിതന്മാരിലും പുരോഹിതന്മാരിലും അധികം പേരും ജനങ്ങളുടെ ധനം അന്യായമായി തിന്നുകയും ദൈവ മാര്‍ഗ്ഗത്തില്‍ വിലങ്ങു തടിയാവുകയും ചെയ്യുന്നു .സ്വര്‍ണ്ണവും വെള്ളിയും ശേഖരിച്ചു വെക്കുകയും അത് ദൈവമാര്‍ഗ്ഗത്തില്‍ ചെലവഴിക്കാതിരിക്കുകയും ചെയ്യുന്നവരെ  നോവേറിയ  ശിക്ഷയെ സംബന്ധിച്ച് 'സുവാര്‍ത്ത' അറിയിക്കുക." (ഖുര്‍ആന്‍ അദ്ധ്യായം 9 , അത്തൌബ : 34 )