2012, മാർച്ച് 11, ഞായറാഴ്‌ച

മുട്ടുകുത്തി ഊഞ്ഞാല്‍ ആടുന്നവര്‍ !!


നട്ടുച്ചയായാല്‍ നമ്മുടെ പ്രധാന ടിവി  ചാനലുകള്‍ നമ്മോടു പറയുന്നതാണ് ഈ വാക്യങ്ങള്‍ 
'മുട്ടുകുത്തി ഊഞ്ഞാലാടാന്‍ എന്ത് രസം?" 
"വെറും '9999' രൂപ മാത്രം "
"ഇപ്പോള്‍ തന്നെ ഓര്‍ഡര്‍ ചെയ്യൂ "
ഇവര്‍ നമ്മെ ആട്ടാന്‍ തന്നെയാണ് പരിപാടി.അതിന്നു ചൂട്ടു പിടിക്കാന്‍ കേറെ ചാനലുകാരും 
അവരെ പറഞ്ഞിട്ട് കാര്യമില്ല...പണം ...അതല്ലേ എല്ലാം .....

അപ്പോള്‍ മറ്റൊരു ചാനലില്‍ മാന്ത്രിക കല്ലുകളും, മോതിരങ്ങളും, ഏലസ്സുകളും ,രക്ഷാ നൂലുകളും 
മിന്നി മറിയുന്നുണ്ടാകും......
അത്കൊണ്ട് അവര്‍ "രക്ഷ"പ്പെടും എന്നുണ്ടെങ്കില്‍ ഈ ചാനലുകളില്‍ പ്രത്യക്ഷപ്പെട്ടു സമയം കളയേണ്ട ആവശ്യം അവര്‍ക്കുണ്ടോ?  ജനങ്ങളുടെ കാശ് ഇല്ലെങ്കില്‍ "രക്ഷ" വില്‍ക്കുന്നവര്‍ക്ക് തന്നെ രക്ഷയില്ല എന്നര്‍ത്ഥം. 
ഈ വൈരുദ്ധ്യം എന്ത് കൊണ്ട് ?
അന്ധവിശ്വാസങ്ങള്‍ കൊണ്ടുള്ള തട്ടിപ്പുകളും ചൂഷണങ്ങളും നാള്‍ക്കുനാള്‍ വര്‍ധിച്ചു വരുന്നു. 
അതിന്റെ ഇരകളെ കുറിച്ചു നമ്മുടെ ടിവി അവതാരകരും, പത്ര ലേഖകരും വാതോരാതെ സംസാരിക്കുന്നു.  
എന്നിട്ടും അവരുടെ അതെ ടിവി ചാനലിലും പത്രങ്ങളിലും എന്ത് കൊണ്ട് ഇതിനോയൊക്കെ പ്രോത്സാഹിപ്പിക്കുന്ന പരസ്യങ്ങള്‍ വരുന്നു.? ഇതു വൈരുദ്ധ്യം അല്ലേ ?
ഒന്നുകില്‍ നിങ്ങള്‍ അന്ധവിശ്വാസം പ്രചരിപ്പിച്ചു കാശുണ്ടാക്കുക.അത് നിങ്ങളെയും കൊണ്ട് പോകുന്നത് വരേയ്ക്കും. അല്ലെങ്കില്‍ ഇതു നിങ്ങള്‍ നിര്‍ത്തുക.മനുഷ്യരാശി രക്ഷപ്പെടുന്നത് വരെക്കും.  

തടി കുറയ്ക്കാന്‍ എന്ന പേരിലും, ശരീര സൌന്ദര്യം നിലനിര്‍ത്താന്‍ എന്ന പേരിലും പലതട്ടിപ്പ്  മരുന്നുകളും കമ്പോളത്തില്‍ സുലഭം,അത് കൂടാതെ ചാനല്‍കാരുടെ വക നമ്മുടെ വീട്ടിനുള്ളിലും...  
സുഹ്രത്തുക്കളെ ഞാന്‍ ചോദിക്കട്ടെ ,
ഈ തടി കൂട്ടുന്ന വസ്തുക്കളുടെ പരസ്യം നമ്മുടെ മുന്നില്‍ നിരന്തരം വിളമ്പുന്നത് ആര് ?
ഇവര്‍തന്നെ .
ചോക്കളേറ്റ് ,ഐസ്കീം,ചിപ്സുകള്‍,പിസ്സ,ബര്‍ഗര്‍,കോളകള്‍,....തുടങ്ങി സകലമാന ഹൈ ഫാറ്റ് വസ്തുക്കള്‍ രാവും പകലും നമ്മുടെ കണ്മുന്നില്‍ മിന്നി മറിച്ച് നമ്മുടെ  തലമണ്ടയില്‍ കുത്തിക്കയറ്റുന്നത്  ആര് ?
ഇവര്‍തന്നെ.       
എന്നിട്ട് ഇവര്‍ തന്നെ പറയുന്നു, നിങ്ങള്‍ തടി കുറയ്ക്കുന്ന ഈ ഉപകരണം വാങ്ങൂ ആ ഉപകരണം വാങ്ങൂ എന്നൊക്കെ.
ഇവര്‍ ആരെയാണ് വിഡ്ഢികള്‍ ആക്കുന്നത്?

മുതലാളിത്ത ജീര്‍ണ്ണത
മുതലാളിത്തം  എന്നാല്‍ പണക്കാരന്‍ എന്നല്ല അര്‍ഥം.
അത്  ഒരു ആശയമാണ്.അതൊരു തത്വമാണ്.
എല്ലാത്തിനെയും  ലാഭം ആക്കി മാറ്റുക എന്ന മനുഷ്യന്റെ സ്വാര്‍ത്ഥതയാണത്.
ഇവിടെ ലാഭം തരുന്നത് അന്ധവിശ്വാസം ആയാലും അവര്‍ക്ക് പ്രശനമല്ല.
എന്നും  മതത്തെ പുരോഹിതന്മാരുടെ ആലയില്‍ കെട്ടി ലാഭാമുണ്ടാകുക എന്നത് അതിന്റെ തന്ത്രമാണ്. 
മതത്തിലൂടെയും അന്ധവിശ്വാസതിലൂടെയും ആരെങ്കിലും  ലാഭം ഉണ്ടാക്കിയാല്‍  അതും  മുതലാളിത്തം തന്നെ.അവര്‍ മത വിശ്വാസിയോ ദൈവ വിശ്വാസിയോ ആയാലും ശരി.അവര്‍ തന്നെയാണ് ദൈവധിക്കാരികള്‍ ,അവര്‍ തന്നെയാണ് മത നിഷേധികള്‍.

ഭക്ഷണ വസ്തുക്കളെ മായങ്ങളും വിഷാംശങ്ങളും കലര്‍ത്തി അനിയത്രിതമായ വണ്ണം കൂട്ടുക....പല തരത്തിലുള്ള രോഗങ്ങള്‍ക്ക് അടിമപ്പെടുത്തുക......
ഇവിടെ ഒരു വെടിക്ക് മൂന്നു പക്ഷിയാണ് 
ഒന്ന് ഭക്ഷണത്തിലൂടെ  ലാഭം,
രണ്ട് പൊണ്ണത്തടി  കുറക്കാന്‍ നമ്മുടെ 9999 രൂപയുടെ യന്ത്രങ്ങള്‍ വില്‍ക്കാം    
മൂന്നു രോഗങ്ങള്‍ പിടി പറ്റിയാല്‍ മരുന്ന് കമ്പനി കള്‍ക്കും ലാഭം 
എങ്ങിനെയുണ്ട് ?
ഇതാണ് നമ്മുടെ  മുതലാളിത്തം മനസ്സിലായോ ?
അതെ ഇവര്‍ തന്നെയാണ് ദൈവ ധിക്കാരികള്‍,ഇവര്‍ തന്നെയാണ് സത്യനിഷേധികള്‍....  

"തീര്‍ച്ചയായും മത പണ്ഡിതന്മാരിലും പുരോഹിതന്മാരിലും അധികം പേരും ജനങ്ങളുടെ ധനം അന്യായമായി തിന്നുകയും ദൈവ മാര്‍ഗ്ഗത്തില്‍ വിലങ്ങു തടിയാവുകയും ചെയ്യുന്നു .സ്വര്‍ണ്ണവും വെള്ളിയും ശേഖരിച്ചു വെക്കുകയും അത് ദൈവമാര്‍ഗ്ഗത്തില്‍ ചെലവഴിക്കാതിരിക്കുകയും ചെയ്യുന്നവരെ  നോവേറിയ  ശിക്ഷയെ സംബന്ധിച്ച് 'സുവാര്‍ത്ത' അറിയിക്കുക." (ഖുര്‍ആന്‍ അദ്ധ്യായം 9 , അത്തൌബ : 34 )

2012, മാർച്ച് 3, ശനിയാഴ്‌ച

സിറിയയില്‍ ഒരു കര്‍ബല !!


    സിറിയയില്‍ വീണ്ടും ചരിത്രം ആവര്‍ത്തിക്കുന്നു. തെരുവില്‍ രക്തം ചാലിട്ടോഴുകുന്നു.അസ്സാദ് പുഞ്ചിരി തൂകി വീണ വായിക്കുന്നു. ലോകത്തുള്ള സകല സ്വേചാധിപതികളും ചെയ്യുന്നത് എന്തോ ,അത് തന്നെ അയാളും പിന്തുടരുന്നു.തന്റെ സോഷ്യലിസ്റ്റ് പാര്‍ട്ടിയായ ബാത് പാര്‍ട്ടിയല്ലാത്ത മറ്റാര്‍ക്കും വല്ല  പ്രവര്‍ത്തന സ്വാതന്ത്രമുണ്ടോ ? ഇതാണോ കെട്ടിഘോഷിക്കപെടുന്ന സോഷ്യലിസം ? 

  ലോകം നന്നാക്കാന്‍ നടക്കുന്ന ജനാധിപത്യ വാദികള്‍ എവിടെ ?മനുഷ്യാവകാശം പ്രസംഗിക്കുന്നവര്‍ എവിടെ ? മനുഷ്വത്വവാദികള്‍ എവിടെ ?ലോക പോലീസെവിടെ ? സ്വയ രക്ഷയില്ലാതെ നെട്ടോട്ടമോടുന്ന രക്ഷാ സമിതി എവിടെ ?

   ഹുസൈനെ കര്‍ബലയില്‍ ഉപരോധിച്ചവര്‍ ഇപ്പോള്‍ വീണ്ടും ആ പഴയ ആയുധങ്ങള്‍ പുറത്തെടുത്തു തുടങ്ങി.മുന്‍പ് തന്റെ പിതാവ് ഹാഫിസ്, ഫെബ്രുവരി 1982-ല്‍ ഹമയില്‍ ചെയ്ത ആ കൂട്ടക്കൊല .....ചരിത്രം  നിങ്ങള്‍ക്ക്‌ മാപ്പ് തരില്ല .അന്ന് അയാള്‍ കൊന്നു തള്ളിയത് പതിനായിരത്തില്‍ അധികം മനുഷ്യ മക്കളെ. ഇന്ന് മകന്‍ ബഷാര്‍ ഹോമ്സിലെ ബാബ് അമര് ഉപരോധിക്കുന്നു.അതെ ആധുനിക കര്‍ബല.കംപ്യുട്ടര്‍ യുഗത്തിലെ കര്‍ബല ....ഇരുപത്തൊന്നാം നൂറ്റാണ്ടിലെ കര്‍ബല ...... 
   ഏറ്റവും പുതിയ അറിവ് പ്രകാരം ഒരു കുടുമ്പത്തിലെ 17 പേരേ കഴുത്തറുത്ത രീതിയില്‍ കൊന്നിട്ടതായി കണ്ടു .വെള്ളവും വെളിച്ചവും വിചെദിച്ചു കളഞ്ഞു.ഭക്ഷണവും ഇല്ല ഇന്ധനവും ഇല്ല .നഗരത്തിന്റെ നാല് ഭാഗവും അസ്സദിന്റെ പട്ടാളം വളഞ്ഞിരിക്കുന്നു.പതിനായിരക്കനക്കിന്നു ജനങ്ങള്‍ ഉപരോധത്തില്‍.ഇതിന്നു മുകളില്‍ ഷെല്ലാക്രമണം.വഴിയില്‍ കാണുന്നവര്‍ക്ക് വെടി.നേരിട്ട് കണ്ടുമുട്ടിയാല്‍ കഴുത്ത്  മുറിച്ചിടല്‍  .....ഓ.. ശാം.. നിനക്ക് എന്ത് പറ്റി?    


         അസാദ് നിങ്ങള്‍ നിങ്ങളുടെ ചരിത്ര ദൌത്യം തുടരുക.നിങ്ങള്‍ക്ക് കൂട്ടിനായി ചൈനയും റഷ്യയും ഉണ്ടല്ലോ?സ്വന്തം ജനതയെ ഉന്മൂലനം ചെയ്യാന്‍ നിങ്ങള്‍ക്ക് ഒത്താശ ചെയ്യാന്‍ നല്ല കൂട്ടുകാര്‍.പഴയ സോഷ്യലിസ്റ്റ് ബന്ധം മറക്കരുത്.നിങ്ങള്‍ക്ക് മാത്രകായായി ഹജ്ജാജ് ബിന്‍ യുസുഫും  ,യസീദും ,സിയാദും ഉണ്ടല്ലോ ?കര്‍ബലകള്‍ അവസാനിക്കുന്നില്ല ........അത് യസീദിനെയും കൊണ്ടേ പോകൂ.... ചരിത്രത്തില്‍ നിന്ന് പാഠം പഠിക്കാത്തവര്‍ക്ക് ചരിത്രം മാപ്പ് കൊടുക്കില്ല. 


       ചര്‍ച്ച ചെയ്യാന്‍ കുറെ അന്താരാഷ്ട്രാ കമ്മിറ്റികളും ,ആര്‍ക്കു വേണം നിങ്ങളുടെ ചര്‍ച്ചകള്‍ ?ദിനേന നൂറും നൂറ്റമ്പതും വെടിയേറ്റ്‌ വീഴുന്നു.നിങ്ങള്‍ പഞ്ച നക്ഷത്ര ഹോട്ടലുകളില്‍ പുട്ടടിച്ചു പച്ചപ്പരവതാനിയില്‍ നടന്നു റോയല്‍ സ്യൂട്ടില്‍ കിടന്നുറങ്ങുന്നു .
 
ലോകത്തുള്ള സകല കൊലയാളികളും അറിയണം ,
   ഇബ്രാഹീമിനെ തീയില്‍ എറിഞ്ഞ നമ്രൂദ് എവിടെ ?ഇസ്രേല്‍ മക്കളെ അറുകൊല ചെയ്ത ഫരോവാന്‍ എവിടെ ?അദ്ധേഹത്തിന്റെ സൈന്യമെവിടെ ?ഖാരൂനും ഹാമാനും എവിടെ ? ഈസായെ ചതിച്ച പുരോഹിതരും പിലാത്തോസും എവിടെ ?മുഹമ്മദിനെ വക വരുത്താന്‍ ഇറങ്ങിയ വലീദും അബൂലഹബും എവിടെ ?അബു ജഹല്‍ എവിടെ ?ഉതുബതും , ശൈബതും എവിടെ ?ചരിത്രത്തില്‍  ദാമാസ്ക്കസിന്റെ തെരുവുകളില്‍  രക്തപ്പുഴകള്‍ എത്ര ഒഴുകി ?ആ ഒഴുക്കിയവര്‍ ഇന്നെവിടെ ?


അസ്സാദ് ,
             എത്ര കാലം നിങ്ങള്‍ പിടിചു നില്‍ക്കും ?സ്ത്രീകളുടെയും പിഞ്ചു കുഞ്ഞുങ്ങളുടെയും രക്തങ്ങള്‍ക്ക് മുകളില്‍ നിങ്ങളുടെ സിംഹാസനത്തിന്നു എത്രനാള്‍ ആയുസ്സുണ്ട് ?നിങ്ങളുടെ അധികാരത്തിന്റെ സുഖത്തില്‍ നിങ്ങള്‍ വാഴുക ......കാലത്തിന്റെ ചവറ്റു കോട്ട നിങ്ങള്‍ക്കായി കാത്തിരിക്കുന്നു.  

             "നിങ്ങള്‍ എന്ത് കൊണ്ട് ദൈവമാര്‍ഗ്ഗത്തില്‍ പോരാടുന്നില്ല ?മര്‍ദ്ദി തരായ പുരുഷന്മാര്‍ക്കും സ്ത്രീകള്‍ക്കും കുട്ടികള്‍ക്കും വേണ്ടിയും ?അവരോ ഇങ്ങനെ പ്രാര്‍ഥിച്ചു കൊണ്ടിരിക്കുന്നവരാണ്.മാര്‍ദ്ദ കാരായ ജനം വിലസുന്ന ഈ നാട്ടില്‍ നിന്ന് നീ ഞങ്ങളെ മോചിപ്പിക്കേണമേ ?നിന്റെ പക്കലില്‍ നിന്ന്  ഞങ്ങള്‍ക്ക് ഒരു രക്ഷകനെ നിശ്ചയിച്ചു തരേണമേ ?നിന്റെ ഭാഗത്ത്‌ നിന്ന് ഞങ്ങള്‍ക്ക് ഒരു സഹായിയെ നല്‍കേണമേ" (അന്നിസാഅ` :75 )